I mavzu: Axborot haqida tushuncha

Page Makerda qo`lyozmani nashrga tayyorlash.

Har qanday hujjatni nashr qilishda quyidagi ishlarni bajarishga to`g`ri keladi:

• 
  tahrirlangan qo`lyozmani oxirigacha tayyorlash ;
  
• 
  surat va illustratsiyalarni yaratish va joylashtirish;
  
• 
  sahifalarning umumiy ko`rinishini ishlab chiqish;
  
• 
  original-maket (asl nusxa)ni tayyorlash.
  

Ko`rsatilgan rejani amalga oshirishda shaxsiy kompyuterlardan foydala­namiz. Page Maker nashriyot dasturidan har bir sahifaning umumiy ko`rinishini tayyorlashda foydalaniladi. Sahifaning umumiy ko`rinishini tayyorlash uchun bizda qo`lyozmaning hajmi hamda surat va illustratsiyalar haqida ma`lumot bo`li­shi kerak. Sahifani nashrga tayyorlash uchun qo`lyozmaning matn va suratlarini qanday tartibda joylashtirish masalasini hal qilish kerak bo`ladi. Ana shundan so`ng Page Maker yordamida asl nusxa maketi tayyorlanadi. Qo`lyozma hajmi ma`lum bo`lsa, sahifaning katta-kichikligini, suratlar egallaydigan qismni, har bir sahifadagi ustunlar soni va bosib chiqarish ko`rinishini aniqlashimiz va sarlavhalarni turli ko`rinishda yozishni mashq qilishimiz mumkin. Page Maker dasturida 17 xil ko`rinishda to`g`ri chiziq, aylana va to`g`ri to`rtburchaklarni chizishimiz mumkin. Shtrixlashning turli variantlari bor, hamda turli grafik muharrirlarda tayyorlangan chizmalardan foydalanishimiz mumkin.

Qo`lyozmani kiritish va tahrir qilish.

Page Maker dasturi uchun matnni ixtiyoriy matn muharririda tayyorlash mumkin. Matn muharrirlari matnni kiritish, tahrirlash va formatlash uchun maxsus tuzilgan dasturdir. Lekin bu muharrirlar yordamida bir sahifada turli shriftlarda yozish qiyinchilik tug`diradi, yoki matnning bir qismini ramkaga olish yoki bo`lmasa ustunlar orasida vertikal chiziqlar chizish kabi ishlarni bajarish mumkin emas. Nashriyot dasturlari esa matnni formatlash uchun maxsus tuzil­gandir. Bu dastur turli matn muharrirlarida tayyorlangan matnlarni qabul qilib, sahifaning yakuniy ko`rinishni tayyorlaydi. Matnni tahrir qilishda o`zingiz yax­shi bilgan ixtiyoriy matn muharriridan foydalanishingiz mumkin. Microsoft Windows ga tegishli Write dasturi matnni tahrirlash uchun juda qulaydir Matnni tayyorlashda Word muharririning imkoniyati kengroqdir. Word muharriri ham Windows bilan ishlashga, ham Page Maker dasturi bilan ishlashga moslashtiril­gandir.