I маъруза машғулотлари

Хушфеъллилик, ширинсуханлилик, камтаринлик, босиқлик сингари ахлоқий ҳатти–ҳаракатлар меъёрийлик нуқтаи назаридан ғоят муҳим. Чунки ҳар бир жамият даражаси маълум маънода ундаги фуқаролар муомала маданиятининг юксаклиги билан ҳам белгиланади. Зеро, хушфеъл, ширинсухан инсон ўзининг ҳар бир муваффақиятсизлигига фожиа сифатида қарамайди, алам ёки ғазаб билан ёмон кайфиятини бошқаларга ўтказишга интилмайди; атрофдаги ахлоқий муҳитни бузмайди. Натижада ўзига ҳам, ўзгаларга ҳам кўтаринки кайфият, турли–туман омадсизликларнинг ўткинчилигини англатувчи ҳаётбахш бир умид бағишлайди. Жамият доимо ўшандай одамларни ҳурмат қилади ва улардан ўрнак олишга интилади.
Худбинлик. У ўз индивидуал эҳтиёжларини ҳамма нарсадан юқори қўядиган ахлоқий сифат, иллатни англатувчи тушунча; бирор – бир инсоннинг моддий–маиший манфаатларининг бошқаларникидан устун қўйилишини билдирувчи манфаатпарастликдан ва ўз шахсини мутлақлаштиришига қаратилган шахсиятпарастликнинг баъзи унсурларидан иборат салбий ҳатти–ҳаракатлар мажмуъидир.
Шухратпарастлик. Шухратпарастлик – шон–шуҳрат кетидан қувадиган ва бу йўлда ҳар қандай ахлоқсизликдан қайтмайдиган инсонлар тоифасининг хусусияти. Шухратпараст одам ўз номининг доимо атрофдагилар ва жамият диқкат Марказида туришига машҳурликка, шов–шувга, мақтовга ички бир тийиқсиз эҳтиёж сезади. Бу эҳтиёж охир–оқибат уни жамиятнинг ахлоқий – ижтимоий талаблари билан ҳам, индивид сифатидаги ўз биологик ва маънавий–интелектуал имкониятлари билан ҳам мутлақо ҳисоблашмайдиган ижтимоий нафс бандасига айлантириб қўяди.
Фойдаланилган адабиётлар

1. 
   Мирзиёев Ш.М. Буюк келажагимизни мард ва олижаноб халқимиз билан қурамиз. Т.: Ўзбекистон, 2017. - 484 б.
   
2. 
   Каримов И.А. Юксак маънавият – енгилмас куч. 2-нашр -Т.: Маънавият, 2016. -176 б
   
3. 
   Абдулла Шер. Ахлоқшунослик. Дарслик. – Т.: ЎФМЖ, 2010
   
4. 
   Ҳусанов Б. Ғуломов В. Муомала маданияти. Дарслик. – Т.: Иқтисод-молия, 2010.
   
5. 
   Абу Наср Фаробий. Фозил одамлар шаҳри. –Т.: Янги аср авлоди, 2016. -318 б.
   
6. 
   Ал-Бухорий. Хадис. 1-4 томлар. -Т.: Мерос, 1990-1992.
   
7. 
   Ахмад Яссавий. Хикматлар. -Т., 1993.
   
8. 
   Пўлатова Д., Рўзматова Г., Жалолова Ў. Ахлоқшунослик. Ўқув қўлланма. – Т.: ТДШИ. 2013