I. Kirish II. Asosiy bolim

3-jadval
GOʻSHT ISHLAB CHIQARISH
(barcha toifadagi xoʻjaliklarda, ming tonna)*

Yillar	Goʻsht (tirik vaznda)	Shu jumladan:
		Mol va buzoq goʻshti		Qoʻy va echki goʻshti	Parranda goʻshti	Choʻchqa goʻshti		Boshqa turdagi hayvon goʻshti
2003	936.7	745,7	147,6		20,1		15,1	8,2
2004	998.3	806,5	144,2		23,5		18,7	5,4
2005	1061.2	849,2	157,6		27,2		21,6	5,6
2006	1139.6	904,2	175,6		30,0		24,4	5,4
2007	1208.7	950,2	192,8		34,5		24,9	6,3
2008	1288.0	998,2	223,9		35,4		22,7	7,8
2009	1367.8	1049,0	245,8		38,3		26,4	8,3
2010	1461.4	115,6	270,4		42,9		23,6	8,9
2011	1564.2	1192,0	288,6		51,5		20,8	11,3
2012	1672.9	1264,6	314,0		60,5		21,6	12,2
2013	1787,8	1340,1	343,3		66,9		23,3	14,2
2014	1906,3	1427,4	363,6		79,4		21,6	14,3

^* Oʻzbekiston Respublikasi Davlat statistika qoʻmitasi. Yillik statistik toʻplam. Toshkent 2013-yil va Oʻzbekiston qishloq xoʻjaligi. Toshkent 2015 toʻplam materiallari.

Keyingi 10 yil davomida jami goʻsht ishlab chiqarish 1,8-martaga, jumladan mol va buzoq goʻshti – 1,7, qoʻy va echki goʻshti – 2,3, parranda goʻshti – 2,9 va boshqa turdagi hayvonlar goʻshti esa 2,5-martaga koʻpaygani holda choʻchqa goʻshtida oʻsish boʻlmagan.

Istiqbolda chorva maxsulotlarini koʻpaytirish asosan mahsuldorlikni oshirish hisobiga erishilishi maqsadga muvofiqdir.


3.. Chorvachilikning iqtisodiy samaradorligini oshirish imkoniyatlari

Respublikada uzoq yillardan beri ayrim chorva mahsulotlarini, shu jumladan, mol va parranda goʻshtlarini, jun, pilla ishlab chiqarish va sotishdan koʻpchilik korxonalar zarar koʻrmoqdalar. Boshqa mahsulotlarning rentabellik darajasi ham bozor iqtisodiyoti qonunlari talablariga toʻlaroq javob bermaydi.

Barcha turdagi chorvachilik mahsulotlarining iqtisodiy samaradorligini oshirish uchun quyidagi omil va imkoniyatlaridan toʻlaroq foydalanish zarur:
1.Chorva hayvonlari mahsuldorligini oshirish. Bu oʻta dolzarb vazifani bajarish uchun ularni turli xil ozuqalarga boʻlgan talablarini ilmiy asoslangan ratsionlar boʻyicha muntazam qondirish. Natijada zotdor hayvonlarning mahsuldorlik potensiali hamda sarflangan ozuqalar samaradorligini oshirish imkoniyatlaridan toʻlaroq foydalanish, koʻproq, sifatliroq hamda arzonroq mahsulotlar ishlab chiqarish va sotish imkoniyati yaratiladi;
2.Chorva hayvonlarning zotdorlik belgilarini saqlash va yanada mustahkamlash maqsadida seleksiya, naslchilik ishlarini yuqori darajada tashkil etish, jumladan, sunʼiy urchitish, geterozis ustunliklaridan toʻlaroq foydalanish;
3.Qishloq xoʻjaligi korxonalari, fermer, dehqon xoʻjaliklarini yuqori mahsuldor zotli chorva mollari bilan muntazam taʼminlash maqsadida yuqori masʼuliyatli naslchilik zavod va naslchilik xoʻjaliklarini barpo qilish ularni imtiyozli sharoitlardan foydalanishga imkon yaratish.
4.Chorvadorlarning mehnat unumdorligi va mehnat haqini barqaror oshirish uchun texnologik jarayonlarni kompleks mexanizatsiyalash va avtomatlashtirish usullaridan foydalanish; dastavval, ozuqalarni taqsimlash, sigirlarni sogʻish, qoʻy va echkilar junini qirqish, sugʻorish, binolarni chorva qoldiqlaridan tozalash, ulardan foydalanish bilan bogʻliq va boshqa ishlarni progressiv vositalar yordamida bajarish;
5.Hayvonlarni saqlashning progressiv usullaridan, shu jumladan, bogʻlamasdan saqlash, maxsus qoʻralardan foydalanish;
6.Asosiy vositalardan ayniqsa, chorva binolari va inshoatlari quvvatidan oqilona foydalanish;
7.Ilgʻor (progressiv) zooveterinariya xizmatlaridan foydalanish va h.k.