I bo‘lim. Umumiy qoidalar 1-bob. Asosiy qoidalar

288-modda. Bojxona rasmiylashtiruvi bo‘yicha mutaxassis faoliyati ustidan nazoratni amalga oshirish tartibi
Bojxona rasmiylashtiruvi bo‘yicha mutaxassis faoliyati ustidan bojxona organlari tomonidan nazorat bevosita bojxona rasmiylashtiruvi jarayonida amalga oshiriladi.
Bojxona brokeri yoki o‘z shtatida bojxona rasmiylashtiruvi bo‘yicha mutaxassis mavjud bo‘lgan boshqa yuridik shaxs bojxona rasmiylashtiruvi bo‘yicha mutaxassisning bojxona organlariga nisbatan majburiyatlarini cheklashi mumkin emas.
Bojxona rasmiylashtiruvi bo‘yicha mutaxassis va bojxona brokeri yoki boshqa yuridik shaxs o‘rtasidagi munosabatlar mehnat shartnomasi bilan tartibga solinadi.
VIII bo‘lim. Bojxona to‘lovlari
42-bob. Asosiy qoidalar
289-modda. Bojxona to‘lovlarining turlari
Tovarlarni bojxona chegarasi orqali olib o‘tishda va ushbu Kodeksda nazarda tutilgan boshqa hollarda quyidagi bojxona to‘lovlari to‘lanadi:
bojxona boji;
qo‘shilgan qiymat solig‘i;
aksiz solig‘i;
bojxona yig‘imlari.
Oldingi tahrirga qarang.
Qonunchilikda boshqa bojxona to‘lovlari ham belgilanishi mumkin.
(289-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Bojxona bojlarining va soliqlarning stavkalari O‘zbekiston Respublikasi Prezidenti tomonidan belgilanadi.
290-modda. Bojxona bojlari, qo‘shilgan qiymat solig‘i va aksiz solig‘i
Bojxona bojlariga import, eksport, alohida (maxsus, antidemping va kompensatsiya) va mavsumiy bojxona bojlari kiradi.
Import bojxona boji tovar bojxona hududiga olib kirilayotganda to‘lanadi.
Eksport bojxona boji tovar bojxona hududidan olib chiqilayotganda to‘lanadi.
Oldingi tahrirga qarang.
Alohida (maxsus, antidemping va kompensatsiya) bojxona bojlari qonunchilikda belgilangan tartibda O‘zbekiston Respublikasining iqtisodiy manfaatlarini himoya qilish maqsadida qo‘llaniladi.
(290-moddaning to‘rtinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Mavsumiy bojxona bojlari tovarlarni bojxona hududiga olib kirish va bojxona hududidan olib chiqishni tezkor tartibga solib turish uchun qo‘llaniladi. Bunda boj tarifida nazarda tutilgan bojxona bojlarining stavkalari qo‘llanilmaydi. Mavsumiy bojxona bojlarining amal qilish muddati ular belgilangan paytdan e’tiboran olti oydan oshmasligi kerak.
Oldingi tahrirga qarang.
Bojxona chegarasi orqali olib o‘tiladigan tovarlarga soliq va bojxona to‘g‘risidagi qonunchilikka muvofiq qo‘shilgan qiymat solig‘i va aksiz solig‘i solinadi.
(290-moddaning oltinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)