I боб. ҲОзирги кунда мактабгача ёшдаги болаларни мактабга тайёрлаш янги омиллари

МУНДАРИЖА

Кириш……….............................................................................................................

I БОБ. ҲОЗИРГИ КУНДА МАКТАБГАЧА ЁШДАГИ БОЛАЛАРНИ МАКТАБГА ТАЙЁРЛАШ ЯНГИ ОМИЛЛАРИ
1.1. Болаларнинг муваффақиятли адаптацияси......................................................
1.2. Боланинг ривожланиш ва дастлабки билим олиши тўғрисида ҳар бир оила ва жамият билиши зарур бўлган муҳим тавсиялар.......................................
II БОБ. ОИЛА БИЛАН ОЛИБ БОРИЛАДИГАН ИЖТИМОИЙ-ПЕДАГОГИК ФАОЛИЯТ
2.1. Оилавий муносабатлар – олий қадрият………………………………………
2.2. Оиладаижтимоий педагогик ёрдам...................................................................
Хулоса.........................................................................................................................
Адабиётлар.................................................................................................................

Кириш
Республикамиз ривожланган давлатлар қаторига етиши учун барча имкониятлар яратилди. Жумладан, таълим-тарбия соҳасида амалга оширилаётган вазифаларимизнинг барчаси ўсиб келаётган ёш авлодни жисмонан ва маънавий соғлом қилиб тарбиялашга қаратилган. Бу борада Президентимиз Ислом Каримов ўз маърузаларида қуйидаги фикрларни илгари суради: «Биз соғлом деганда, нафақат жисмоний, балки маънавий жиҳатдан ҳам соғлом болани ўзимизга тасаввур этамиз. Мустақилликнинг биринчи йилларидан бошлаб юртимизда соғлом она – соғлом бола масаласи давлат сиёсатининг устувор йўналишига айлангани, кенг кўламли умуммиллий дастурларимиз доирасида амалга ошираётган улкан ишларимиз жаҳон миқёсида ҳам тан олингани сизларга яхши маълум. Айни вақтда бугунги шиддатли замон, ҳаётнинг ўзи ёш авлод тарбияси борасида олдимизга янги-янги, ўта муҳим ва долзарб вазифаларни қўймоқда».

Аслида «Соғлом бола» нима дегани? «Соғлом» сўзи: дард-касалдан холи; соғ; соғлиқни сақлаш талабларига тўла жавоб берадиган; беғубор, тоза, соф; зарарли таъсирдан, салбий хислат, иллат ва шу кабилардан холи; тоза, пок; руҳий жиҳатдан шикаст етмаган; расо; ғоявий-мафкуравий, маънавий жиҳатдан тоза, пок, деган маъноларни беради. Хуллас, луғавий маънода соғлом бола – ҳали ёш, вояга етмаган, беғубор, соф, зарарли таъсирлардан, салбий хислат, иллат ва шу кабилардан холи ўғил-қиз экани маълум бўлади.
«Бола» эса янги туғилган, ҳали кўкракдан, она бағридан ажратилмаган гўдак; чақалоқ; ҳали ёш, вояга етмаган одам; фарзанд, ўғил қиз, зурриёт; ёши катталарнинг ёшларга мурожаат шакли.
Миллий қадриятлармизда ҳам бола тарбиясига алоҳида эътибор берилганлиги тарихий манбаларда тўлиқ акс этган бўлиб, жумладан ҳадиси шарифларда соғлом бола аҳли исломнинг муддаоси бўлганлиги келтирилади. Бунга муҳаддислар имоми – буюк бобомиз Имом Бухорийнинг «Ал-адаб ал-муфрад» китобида далил бор. Китобнинг бир боби «Бола соғлом туғилса, Худога шукр қилиш ҳақида», деб аталади. Унда: «Ойиша (р.а.) бирон оилада фарзанд туғилса, ўғил ёки қизлигини сўрамас эдилар. Балки: «Соғломми?» – деб сўрар, «ҳа», дейилса, «Оламларнинг Парвардигори Аллоҳга шукр», дердилар» дейилган.
Бундан ташқари, ўқув-услубий қўлланмалар, мактабгача ёшдаги болалар таълим-тарбиясига қўйиладиган давлат талаблари яратилиб, амалиётда қўлланилмоқда. Давлат мактабгача таълим муассасалари, хусусийлаштирилган мактабгача таълим муассасалари, мактаблар қошида мактабдан ташқари муассасалар ва хусусий турли мактаб тайёрлов марказларида болаларни мактабга тайёрлаш ишлари олиб борилмоқда.