I bob. Mexanik harakat haqida umumiy ma’lumotlar 1-§. Jismlarning harakati mexanik harakat

Tayanch tushunchalar: jismlarning o‘zaro ta’siri, kuch, kuchning 
birligi  –  nyuton.
1. Stol ustida kitob yotibdi. Kitob qanday kuchlar ta’sirida tinch yotibdi? Kuch 
vektorlari yo‘nalishini ko‘rsatib, chizma chizing. 
2. Jismlarning o‘zaro ta’siri natijasida koptok harakatga keladigan yoki harakat 
yo‘nalishini o‘zgartiradigan jarayonlarga misollar keltiring. 
19­§. NYUTONNING  BIRINCHI 
QONUNI — INERSIYA QONUNI
  
Jismning inersiyasi
Tajribalar va kuzatishlar jismning tezligi o‘z-o‘zidan o‘zgarib qolmasligi-
ni ko‘rsatadi. Maydonda yotgan koptokga kimdir ta’sir qilsagina, u harakat-
ga keladi. Ko‘chada yotgan toshga hech qanday jism ta’sir etmasa, u o‘sha 
joyda yotaveradi. Ta‘sir natijasida jism tezligining miqdorigina emas, balki 
harakat yo‘nalishi ham o‘zgarishi mumkin. Masalan, tennis shari raketkaga 
urilgach, o‘z harakat yo‘nalishini o‘zgartiradi.