I-боб кичик ва хусусий тадбиркорлик шароитида ижтимоий меҳнат муносабатларини шакллантиришнинг назарий ва методологик асослари

Диссертация ишининг илмий-тадқиқот ишлари режалари билан боғлиқлиги. Мазкур тадқиқот иши Алишер Навоий номидаги Самарқанд давлат университети Ижтимоий-иқтисодиёт факултети “Иқтисодиёт ва меҳнат социологияси” кафедрасининг илмий-тадқиқот ишлари режасига мувофиқ бажарилган.
Тадқиқот ишининг мақсади. Самарқанд вилояти мисолида кичик бизнес ва хусусий тадбиркорликда ижтимоий-меҳнат муносабатларини ривожлантиришнинг барча омиллари хусусиятлари, самарадорлигини оширишга қаратилган илмий таклифлар ва амалий тавсияларни ишлаб чиқишдан иборатдир.
Белгиланган мақсадни амалга ошириш учун қуйидагилар тадқиқот вазифалари этиб белгиланди:

• 
  кичик бизнес ва хусусий тадбиркорлик соҳасида ижтимоий-меҳнат муносабатларини ривожлантиришнинг илмий-назарий жиҳатларини ўрганиш ва таклифлар ишлаб чиқиш;
  
• 
  кичик ва хусусий тадбиркорликда ижтимоий-меҳнат муносабатларини ўрни ва аҳамиятини, унинг вазифаларини тадқиқ этиш;
  
• 
  кичик ва хусусий тадбиркорликда ижтимоий-меҳнат муносабатлар тизимини шакллантириш хусусиятларини аниқлаш;
  
• 
  ижтимоий меҳнат муносабатларини ривожлантириш бўйича хорижий мамлакатлар тажрибасини ўрганиш ва ундан кичик бизнес ва хусусий тадбиркорлар фаолиятини ривожлантиришда фойдаланишда таклиф ва тавсиялар ишлаб чиқиш;
  
• 
  кичик ва хусусий тадбиркорликда меҳнатга бўлган янгича муносабат тизимини вужудга келтириш алгоритмини ишлаб чиқиш;
  
• 
  ижтимоий-меҳнат муносабатлар таъсирини ошириш омиллари, шарт-шароитлари ва услубларини таҳлил этиш асосида илмий таклифлар ва амалий тавсиялар ишлаб чиқиш.
  

Тадқиқот объекти. Самарқанд вилояти кичик ва хусусий бизнес субъектлари фаолияти.
Тадқиқот предмети бўлиб, иқтисодиётни модернизациялаш шароитида кичик ва хусусий бизнес субъектлари фаолиятида амалга ошадиган ижтимоий-меҳнат муносабатлар ҳисобланади.
Тадқиқотнинг назарий ва методологик асосини Ўзбекистон Республикаси Олий Мажлис Қонунчилик палатаси ва Сенати томонидан қабул қилинган Қонунлар, Ўзбекистон Республикаси Президентининг Фармони ва Қарорлари, Вазирлар Маҳкамасининг Қарорлари, Ўзбекистон Республикаси Президенти асарлари, шунингдек мамлакат ва чет эл олимларининг кичик бизнес ва хусусий тадбиркорликни ривожлантиришда ижтимоий-меҳнат муносабатлари масалалари бўйича бажариган илмий ишлари ташкил этади.