I bob innovatsion muhit samarali innovatsiyalarning eng muhim sharti sifatida

Mavzu: Inovatsion infratuzilmani takomillashtirishning asosiy yo’nalishlari
MUNDARIJA
KIRISH
I.BOB INNOVATSION MUHIT - SAMARALI INNOVATSIYALARNING ENG MUHIM SHARTI SIFATIDA
1.1 Innovatsion muhit tushunchasi va uning tuzilishi
1.2. Milliy innovatsion tizimni shakllantirishning konseptual qoidalari, xususiyatlari hamda tendensiyalari
1.3. O‘zbekistonning zamonaviy innovatsion infratuzilmasi
II.BOB INNOVATSION BIZNESDA INSON OMILI
2.1 Innovatsion biznesda inson resurslari samaradorligini belgilovchi omillar
2.2 Tashkilotdagi innovatsion jarayonning asosiy sub’ektlari
2.3 Insonning innovatsion salohiyatini amalga oshirish shartlari
XULOSA
FOYDALANILGAN ADABIYOTLAR
KIRISH
O‘zbekistonda ilmiy-tadqiqot natijalarini olish va ularni tijoratlashtirish o‘rtasida dunyoning rivojlangan mamlakatlari bilan taqqoslaganda hali ham katta farq mavjud. Bunday vaziyatning sabablari juda ko‘p. Bu birinchidan, ilmiy-tadqiqot mutaxassislarining bozor talablariga javob bermaydigan takliflariga, eskirgan moliyalashtirish mexanizmlariga, ilmiy va muhandislik faoliyatini tashkil etishning arxaik tizimiga an’anaviy e’tiborsizligiga bog‘liq. Ikkinchidan esa, eski tipdagi idoraviy muassasalarning hanuzgacha hukmronlik qilayotganligidir. Shuningdek, ishlab chiqarish, texnologik va axborot infratuzilmalari rivojlanmagan, tijoratlashtirish uchun zarur bo‘lgan litsenziyalash, sertifikatlash va patentlash jarayonlari keraksiz byurokratik xususiyatga ega.
Ko‘pgina zamonaviy tadqiqotchilar Milliy innovatsion tizimnini texnologiyalarni ishlab chiqish, tarqatish, ulardan foydalanish shuningdek, hukumat innovatsion jarayonlarni tartibga solish siyosatini ishlab chiqadigan va amalga oshiradigan institutsional chegaralarni shakllantirish bilan shug‘ullanadigan institutlar tarmog‘i deb ta’riflaydilar. Biroq Milliy innovatsion tizimnini shunchaki institutsional tuzilmalar to‘plami sifatida ko‘rib chiqish mumkin emas. Bu “yangi bozorlar va milliy ... biznesning raqobatbardoshlik darajasini belgilaydigan bilim va tajribani yaratish, tarqatish uchun o‘zaro bog‘liq, o‘zaro ta’sir qiluvchi institutlar tizimi