I-bob harakatlar tizimi, tuzilmalari va qisqa masofalarga yugurishda ulari boshqarish

Sportchining malakasining o'sishi bilan yugurish texnikasidagi o'zgarishlar dinamikasi

Vaqt o'tishi bilan siz barcha mashqlarning tezligini oshirishingiz kerak, ammo bu faqat to'g'ri texnikani o'zlashtirgandan so'ng amalga oshirilishi kerak. Professional sportchilar orasida ularning malakasi oshishi bilan dinamikada o'sish kuzatilmoqda.
Yugurish dunyodagi eng mashhur mashg'ulotlardan biridir. U inson tanasini ham, ruhini ham mukammal tarbiyalaydi. Sog'likka ijobiy ta'sir ko'rsatadi. Yaqinda u aql uchun ham mashq bo'ldi, chunki butun mashqlar texnikasi endi fan tomonidan hisoblab chiqilgan va tezlik ko'rsatkichlarini maksimal darajaga ko'tarishga qaratilgan.
Qisqa masofalarga yugurish – bu qadimiy sport musobaqasi. Sprint sportchining jismoniy va psixik sifatlariga yuqori talablar qo’yadi. Dunyo sprinterlarining barcha rekord natijalari qisqa masofalarga yuguruvchilarni tayyorlashga bo’lgan zamonaga xos yangi yondashuvlar bilan bog’liq. Bu sportchilarni tayyorlash uslubiyatiga doir to’plangan jahon tajribasini o’rganib chiqishni taqozo etadi.
Qisqa masofaga yugurish (sprint) – maksimal intensivlikda qisqa vaqt davomiyligida ish bajarish bilan tavsiflanadi. Qisqa masofalarga yugurishda 60, 100, 200 va 400 metr masofalar belgilanadi. Angliya, AQSh, Avstraliya va boshqa bir qator mamlakatlarda qisqa masofalarga yugurish bo’yitcha sprint musobaqalari 100, 220 va 440 yard masofa bo’yicha o’tkazilib, bu masofalar mos ravishda 91,44, 201,17 va 402,34 metr masofaga to’g’ri keladi. Qisqa masofalarga yugurish tarixi Qadimda Olimpiya o’yinlari tashkil qilinishi tarixi bilan bog’liq hisoblanadi (eramizgacha 776 yilgacha). Bu davrda ikkita masofaga yugurish musobaqalaridan foydalanish ommalashgan – jumladan, bitta bosqichli (192,27 metr) va ikki bosqichli yugurish musobaqalari qo’llanilgan. Yugurish musobaqalari alohida yugurish yo’laklari bo’ylab amalga oshirilib, start chizig’idan marra chizig’igacha belgilangan va bunda yo’laklar tanlanishi ishtirokchilar uchun qur’a tashlash yo’li bilan hal qilingan. Yugurish maxsus buyruq asosida boshlangan. Belgilangan vaqtdan oldin yugurishni boshlagan atletlar xivchin bilan savalangan yoki pul mablag’i qiymatida jarima to’lagan. Ayollar uchun Olimpiya o’yinlari alohida tartibda o’tkazilgan. Ular uchun yugurish bitta tur bo’yicha – ya’ni, stadionining 5/6 qismiga teng bo’lgan (160,22 metr) yugurish masofasida belgilangan.