I bob chizmalarni taht qilish standartlari

GOST-davlat standarti.
2-ESKD standartlari klassi.
3-Standartning klassifikatsion guruhi nomeri.
01-Bu ikki raqam standartning guruhdagi tartib nomeri.
97-Standart tasdiqlangan yilning oxirgi ikki raqami.
Masalan, ESKDning "Chizmalarni bajarishning umumiy qoidalari" standartlarida masshtablar GOST2-302-97; chizma chiziqlari GOST2-3003-97; chizma shriftlari GOST2-304-96 deb belgilangan va hokazo.
Davlat standartlari rasmiy hujjat bo`lib, uning talabalrini buzuvchilar qonun oldida javobgardirlar. Buyum (mahsulot) ishlab chiqaruvchi va konstruktorlik hujjatlari tayyorlovchi barcha tashkilotlar davlat standartlariga rioya qilishga majburdirlar.
Shuningdek, chizmalar chizishda ESKD standartlariga amal qilish barcha o`quv yurtlari uchun majburiy hisoblanadi.
Format (fransuzcha format-ko`rinish)-kitob yoki daftar varag’ining o`lchami degani. Chizmachilikda chizma chizish uchun ma`lum o`lchamdagi qog’oz varag’i (list) ya`ni formatdan foydalanadilar. Bu formatlarning o`lchamlari GOST 2-301-97 standartda belgilangan (1.1-jadval).
Mazkur standart barcha sanoat va qurilishdagi konstruktorlik hujjatlari: chizmalar va ularning boshqa hujjatlari listlarining formatlarini belgilaydi.
Listlar formati original, asl nusxa, ikkinchi nusxa ko`chirma nusxalarning tashqi hoshiya o`lchamlari bilan aniqlanadi.