I bob. Akslantirishlar

Mundarija:
KIRISH
I BOB. AKSLANTIRISHLAR
1.1-§. Akslantirish haqida tushuncha
1.2-§. Akslantirishning turlari
II BOB. FUNKSIYALAR NAZARIYASI
2.1-§. Funksiya tushunchasi
2.2-§. Elementar funksiyalar
XULOSA
FOYDALANILGAN ADABIYOTLAR
KIRISH

Hozirgi kunda Respublikamiz hayotida yangidan-yangi o‘zgarishlar, islohotlar bo‘lmoqdaki, bu jamiyat a’zolarining, xususan, keng ma’noda o‘quvchilarning turmushga tezroq moslashishini taqozo etmoqda. Fan va texnika taraqqiyotining jadal suratlar bilan kechayotgani, axborot texnikasining tez rivojlanayotgani, jamiyat a’zolarining olishlari lozim bo‘layotgan axborotlar ko‘lamining tobora oshib borayotganligi, ta’limga mutloqo boshqacha nuqtai-nazardan yondashishni, o‘quv fanlari bo‘yicha mahalliy sharoitlarga mos keladigan hamda o‘quvchilarni har tomonlama barkamol qilib yetishtiruvchi zamonaviy usullarni ishlab chiqishni talab qilmoqda.

Kurs ishining dolzarbligi: Muhtaram Birinchi Prezidentimiz I.Karimov ta’kidlaganlaridek, “Shuni unutmaslik kerakki, kelajagimiz poydevori bilim dargohlarida yaratiladi, boshqacha aytganda, xalqimizning ertangi kuni qanday bo’lishi farzandlarimizning bugun qanday ta’lim va tarbiya olishiga bog’liq. Buning uchun har qaysi ota-ona, ustoz va murabbiy har bir bola timsolida avvalo, shaxsni ko’rishi zarur. Ana shu oddiy talabdan kelib chiqqan holda, farzandlarimizni mustaqil va keng fikrlash qobiliyatiga ega bo’lgan, ongli yashaydigan komil insonlar etib voyaga yetkazish – ta’lim-tarbiya sohasining asosiy maqsadi va vazifasi bo’lishi lozim, deb qabul qilishimiz kerak. Bu esa ta’lim va tarbiya ishini uyg’un holda olib borishni talab etadi”.
Bugungi kunda ta’lim tizimida bilimlarni egallashning yangi konsepsiyasi – zamonaviy innovatsion ta’lim texnologiyalarning turli xil ko’rinishlarini qo’llash juda yaxshi samara bermoqda. Bunda ta’limning yangi metodlardan foydalanishda tahsil oluvchilarning intellektual, erkin fiklashni rivojlantirish, o’z fikrini asoslab berishga intilishi, o’zgalar fikrini tinglay olishi, muammolar yechimini topishga harakat qilishi, ijodiy va axloqiy taraqqiyoti jarayonlariga samarali ta’sir etadi.
Turmushning istiqbolli rivojlanishi hozirgi kunda istiqomat qilayotgan barcha fuqorolarimizga bilimlarni baholash tizimini o‘zgartirishni, rivojlantirishni, soddalashtirishni taqozo etayotganligi tobora aniq bo‘lib bormoqda.
Yuqoridagilardan kelib chiqib kurs ishning vazifalari belgilandi. Bu vazifalar quyidagichadir:
1) Hozirda amal qilinayotgan o‘quvchilar bilimini baholashning hozirgi zamon iqtisodiy va siyosiy taraqqiyoti nuqtai-nazaridan tahlil qilishi;
2) Hozirgi turmush talablariga mos keladigan baholash, xususan o‘quvchilaning matematik bilimlarini baholash tadbirlarini ishlab chiqish;
3) Bu tadbirlarining istiqbollarini ko‘rsatish.
Kurs ishining metodik asosini ta’limning yangi konseptuar modeli “ Ta’lim tog’risida” gi qonun, “Kadrlar tayorlashning milliy dasturi”, O‘zbekiston Respublikasi Prezidentining farmonlari, olimlarning pedagogika, psixologiya va o‘qitish metodikasi sohasidagi tadqiqotlari, shuningdek bizga dars bergan ustozlarimizning ma’ruzalari tashkil qiladi.
Kurs ishi davomida quyidagi metodlardan foydalanildi:
― mavzu yuzasidan mavjud bo‘lgan pedagogik-psixologik, metodik adabiyotlarni o‘rganib chiqish;
― matematik bilimlarni an’anaviy baholash jarayonlarini kuzatish hamda o‘quvchilar, o‘qituvchilar, ota-onalar, mahalla faollari bilan suhbatlar o‘tkazish, o‘quvchilar yozma ishlarini bevosita o‘quvchi, ota-onalar va boshqalar ishtirokida muhokama qilish;
― pedagogik sohada tajriba-sinov o‘tkazish va undan xulosalar chiqarish.
Kasbiy ta’lim tizimi oldida turgan har tomonlama rivojlangan shaxsni shakllantirish masalasi respublikamiz mustaqillikka erishguniga qadar real gumanistik yo‘nalishga ega bo‘lmagan, chunki unda o‘quvchilarning o‘zlarining ehtiyojlari e’tiborga olinmagan. Ta’lim muassasalarida mavjud bo‘lgan o‘quv fanlarini chuqurlashtirib o‘qitish sinflari va maktablari barcha o‘quvchilarning intellektual ehtiyojlarini qondirishni e’tiborga olish lozimligini uddasidan chiqa olmadi; ular faqat dunyoviy bilimlarning u yoki bu sohasiga qiziqishni namoyish etgan o‘quvchilarni o‘qitishgagina qaratilgan edi xolos. Aksariyat o‘quvchilar esa yagona o‘quv dasturlari bo‘yicha ta’lim olganlar.
Hozirgi davrda jamiyatning ta’limga bo‘lgan ijtimoiy buyurtmasi tub o‘zgarishlarga uchradi: har bir o‘quvchiga o‘zining qiziqish, qobiliyat va moyilliklarini e’tiborga olgan holda ta’limning aniq maqsadlariga erishishlari uchun keng imkoniyatlar yaratib berish nazarda tutilmoqda. Ijtimoiy buyurtmani ta’limning rivojlantiruvchi vazifalari zaminida amalga oshirish vositasi bo‘lib o‘rta maxsus, kasbiy ta’lim tizimi xizmat qilmoqda.
Kasb-hunar kollejlarida o‘quvchilar o‘zlari tanlab olgan ta’lim yo‘nalishi bo‘yicha (gumanitar, tabiiy-ilmiy, texnika, agrar va boshqa sohalar) bilim saviyalarini oshirish hamda fanni chuqur o‘rganishga qaratilgan maxsus kasb-hunar ko‘nikmalarini o‘zlarida shakllantirish imkoniyatiga ega bo‘ladilar.
Prezidentimiz Sh.M.Mirziyoyevning «Oliy ta’lim tizimini yanada rivojlantirish chora-tadbirlari to‘g‘risida»gi qarori uzluksiz ta’lim tizimini rivojlantirish, mamlakatimizning izchil rivojlanib borayotgan iqtisodiyotini yuqori malakali kadrlar bilan ta’minlash, barcha hududlar va tarmoqlarni strategik jihatdan kompleks rivojlantirish masalalarini hal qilish borasida oliy ta’lim tizimi ishtirokini kengaytirish yo‘lidagi yana bir muhim amaliy qadamdir.
Mazkur kurs ishi akslantirishlar va ularning turlari mavzusida bo’lib, unda to’plamlar nazariyasining paydo bo’lishi, to’plam, to’plamlar ustida amallar, akslantirish haqida tushuncha, akslantirishning turlari paragraflari to’liq bayon etilgan.