I bob. Aholi turmush darajasi va daromadlarini davlat tomonidan tartibga solishning nazariy asoslari

Investitsion iqlim va tadbirkorlik muhitini yanada
 yaxshilash borasida bank tizimi zimmasiga yuklatilgan
vazifalar ijrosini ta'minlash

Bunda:

– bank xizmatlari bozorida raqobatni yanada kuchaytirish, iqtisodiyot sub'ektlari va aholiga ko'rsatilayotgan xizmatlar sifatini yanada oshirish, kreditlash jarayonlarini soddalashtirish va masofadan xizmat ko'rsatish ko'lamlarini kengaytirish;

– tadbirkorlikning bir turi sifatidagi bank faoliyatiga barcha ko'rinishlardagi noqonuniy aralashuvlar va bu boradagi qonun me'yorlarining buzilish holatlari oldini olish;

– kredit ajratish jarayonining maqbul va tezkor muddatda amalga oshirilishiga erishish maqsadida bank filiallarining kredit ajratish borasidagi vakolatlarini bos­qichma-bosqich kengaytirish masalalari asosiy mezonlardan bo'lib qoladi.

Ilg'or axborot-kommunikatsiya texnologiyalarini keng tatbiq etgan holda naqd pulsiz hisob-kitoblar tizimini takomillashtirish, ko'rsati­layotgan bank xizmatlari sifatini oshirish va ko'lamini yanada kengaytirish

Respublikada hisob-kitoblarning uzluksiz amalga oshirilishini ta'minlash, naqd pulsiz hisob-kitoblar tizimini plastik kartalar muomalasini kengaytirish orqali yanada takomillashtirish, bank hisobvaraqlarini masofadan bosh­qarish tizimlarini («Bank-mijoz», «Internet-banking», «Mobilь-banking», «SMS-banking» va bosh­qalar) respublikaning barcha hududlari, shahar va qishloq aholi punkt­larida rivojlantirish, ularning ishlash sifatini oshirish ustuvor vazifalar bo'lib qoladi.

Shuningdek, naqd pulsiz hisob-kitoblar tizimini takomillashtirish borasida:

– «Elektron hukumat» axborot tizimlari tarkibiga kiritilgan Markaziy bankning «Chakana to'lovlarni real vaqt rejimida amalga oshirish kliring tizimini yaratish hamda xizmat ko'rsatuvchilarning billing tizimi bilan integrallash» loyihasini amaliyotga joriy etish doirasini kengaytirish;

– respublikaning barcha tijorat banklari tomonidan yuridik va jismoniy shaxslarga hisob­varaqlarni masofadan boshqarish bo'yicha bank xizmatlari ko'lamini yanada kengaytirishga qaratilgan chora-tadbirlar amalga oshiriladi.