I bob. Aholi turmush darajasi va daromadlarini davlat tomonidan tartibga solishning nazariy asoslari

Migratsiya. Dastlabki ma’lumotlarga ko‘ra, 2016 yilning yanvar–dekabr oylarida respublika bo‘yicha ko‘chib kelganlar soni 141,7 ming kishini, shu davr mobaynida ko‘chib ketganlar soni esa 168,3 ming kishini tashkil qildi. Migratsiya qoldig‘i minus 26,6 ming kishiga (2015 yilning shu davrida – minus 29,3 ming kishi) teng bo‘ldi.

2016 yilning yanvar–dekabr oylarida iqtisodiy faol aholi soni 14 022,4 ming kishini yoki aholi umumiy sonining 44,0 foizini tashkil qildi.

Dastlabki ma’lumotlarga ko‘ra, 2016 yilning yanvar–dekabr oylarida iqtisodiyotda band bo‘lgan aholi soni 13 298,4 ming kishini tashkil qildi
va 2015 yilning shu davriga nisbatan 1,8 foizga oshdi.

Bandlar sonining sezilarli o‘sish darajasi tashish va saqlash sohasida

(3,8 foizga), yashash va ovqatlanish bo‘yicha xizmatlar sohasida (3,6 foizga),
qurilishda (3,4 foizga), axborot va aloqa sohasida (3,1 foizga) kuzatildi.

2016 yilning yanvar–dekabrida iqtisodiy faol aholining bandlik darajasi (iqtisodiyotda band aholining iqtisodiy faol aholi soniga nisbati) 94,8 foizni tashkil etdi.

Nodavlat sektorida jami bandlar ulushi 82,3 foizga etdi, bu ko‘rsatkich
2015 yilning shu davrida 82,1 foizni tashkil qilgan.

2016 yil dekabr oyi oxiriga mehnat idoralarida

ish qidiruvchilar sifatida ro‘yxatdan o‘tgan aholi soni 5,0 ming kishini tashkil qildi va bu ko‘rsatkich 2015 yilning shu davriga (2,7 ming kishi) nisbatan 84,0 foizga ko‘paygan.

2016 yilning yanvar–dekabrida umumiy maydoni 12 413,5 ming kv.m. bo‘lgan 86,4 mingta uy yoki 88,8 mingta kvartira (2015 yilning yanvar–dekabriga nisbatan 106,4 foiz), shu jumladan qishloq joylarida 9 000,6 ming kv.m. (105,1 foiz) uy–joy foydalanishga topshirildi.

Kasalxonalar, ambulatoriya – poliklinika muassasalari va qishloq vrachlik punktlarini yangi qurish va qayta tiklashda 495,3 mlrd. so‘mlik investitsiyalar o‘zlashtirildi va bu sog‘liqni saqlash va ijtimoiy xizmat ko‘rsatish sohasida o‘zlashtirilgan investitsiyalarning 53,6 foizini tashkil qildi.

Oliy ta’lim muassasalari, litseylar va kasb–hunar kollejlarini qurish

va qayta tiklashda 386,8 mlrd. so‘mlik investitsiyalar o‘zlashtirildi va bu ta’lim sohasiga kiritilgan investitsiyalarning 32,7 foizini tashkil qildi.

Umumta’lim va ixtisoslashtirilgan maktablarni qurish va qayta tiklashda 323,0 mlrd. so‘mlik investitsiyalar o‘zlashtirildi yoki ta’lim sohasiga kiritilgan investitsiyalarning 27,3 foizini tashkil qildi.

Suv quvurlari qurilishiga 312,7 mlrd. so‘m, shundan davlat byudjeti mablag‘lari hisobidan 158,2 mlrd. so‘m (umumiy hajmning 50,6 foizi), chet el investitsiyalari va kreditlari hisobidan 101,2 mlrd. so‘m (32,4 foizi), aholi mablag‘lari hisobidan 31,6 mlrd. so‘m (10,1 foizi), korxona, tashkilotlar va boshqa manbalar hisobidan 21,7 mlrd. so‘m (6,9 foizi) o‘zlashtirildi.

Gaz tarmoqlari qurilishiga 12,9 mlrd. so‘m, shundan aholi mablag‘lari

hisobidan 9,7 mlrd. so‘m (75,2 foizi), korxona va tashkilotlar mablag‘lari
hisobidan 3,2 mlrd. so‘m (24,8 foizi) o‘zlashtirildi.