I-бўлим. Бухгалтерия ҳисоби асослари 1-мавзу. Бухгалтерия ҳисоби, унинг моҳияти ва турлари

4.3. Бухгалтерия ҳисобининг регистрлари ва хато ёзувларни тузатиш усуллари 
Ҳисоб регистрлари дастлабки ахборот ташувчиларда қайд этилган мавжуд маблағлар ва 
муомалалар тўғрисидаги маълумотларни рўйхатга олиш ҳамда гуруҳлашдир. Компьютер 
техникаси ишлатилган бу маълумотлар системалаштирилади ва компьютер хотирасида 
сақланади. Маълумотлар зарур вақтида мосланган қоғоз варақларга чоп этилади. Ҳисоб 
регистрлардаги ёзувлар хўжалик фаолиятини назорат қилиш, ишлаб чиқаришни бошқариш, 
иқтисодий таҳлил қилиш учун ишлатилади. Ҳисоб регистрларида ҳужжат номери ва 
операциянинг қисқа мазмуни акс эттирилиб, дастлабки ҳужжат ҳисоб регистрига бирга 
қўйилади. 
Ҳисоб регистр маълумотларига қараб бухгалтерия ҳисоботи, баланс, калькуляция 
ҳисоботлари тузилади. 
Ёзувларнинг характерига қараб ҳисоб регистрлари хронологик (қайд қилиш журнали) ва 
систематик (тизимли) (касса китоби, омбор ҳисоби карточкалари) турларига бўлинади. 
Ҳисоб регистрларининг ташқи кўринишига қараб карточкалар, китоблар, ведомостлар, 
машинали ёзувларга классификация қилинади. 
Ҳисоб регистрларини тўлдириш вақтида хатоларга йўл қўйиш мумкин. Бу хатоларни 
тўғрилашнинг бир неча усули бор. 
ХАТОЛАРНИ ТЎҒРИЛАШ 
УСУЛЛАРИ 
КОРРЕКТУРА
УСУЛИ 
ҚЎШИМЧА ЁЗУВ 
УСУЛИ 
“КИЗИЛ СТОРНО 
УСУЛИ" 
(тузатиш ёзув) 

---

54 
4.1-чизма. Бухгалтерия ҳисобида хатоларни тўғрилаш. 
Умумий жамлар чиқарилишидан олдин хато топилган бўлса, корректура усулидан 
фойдаланилади. Бунда хато ёзув бир чизиқ билан ўчирилиб, ундаги хато ёзувни ўқиш 
мумкин бўлиши ва хато ёзув устига тўғриси ёзиш керак. Хато ёзувга изоҳ берилиб, 
ҳужжатни тасдиқлаган ва хатони тўғрилаган шахслар имзо қўядилар. 
Қўшимча ёзув усулидан фойдаланишда, счётлар корреспонденцияси бузилмаган, лекин 
хато камайиши томонига йўл қўйилган (муомалада келтирилган сумма ҳақиқий 
кўрсатиладиган суммага қараганда кам бўлган). Бунда хато ёзилган сумма билан 
тўғрисининг орасидаги фарқ суммага қўшимча проводка берилади ва шу билан хато ёзув 
тузатилган бўлади. 
“Қизил сторно“ усулида хатолар тузатилганда счётларнинг корреспонденцияси бузиб 
кўрсатилмайди. 
“Қизил сторно“ усули қўшимча ёзиш усули билан хатоларни тузатиш иложи бўлмаганда 
қўлланилади. 
“Кизил сторно” усулида хатолар тузатилганда хато берилган ёзув манфий (қизил сиёҳда) 
суммада такрорланади, сўнг тўғриси (оддий сиёҳда) ёзилади. Манфий сумма олдинги 
суммалардан олиб ташланади. 
Шу билан счётларнинг корреспонденцияси бузиб кўрсатилмайди. 
4.1-мисол
. Маҳсулот ишлаб чиқаришга омбордан материаллар ишлатилди 55 000 сўмга, 
ҳисобда эса 50 000 сўм деб кўрсатилади. Хато ёзувга далолатнома ёзиб, шунга асосан 5 000 
сўмга оддий сиёҳ билан қўшимча ёзув ёзилади. 
Дт 2010 “Асосий ишлаб чиқариш” 
50 000 
сўм
Кт 1010 “Хом-ашё ва материаллар” 
50 000 
сўм