I-бўлим. ҲАрбий хизматнинг ҳУҚУҚий асослари

33.Цевьё нима вазифани бажаради? ►Автоматни ушлашда қулайлик ва отишда қўлни куйишдан сақлаш учун.
34.Ўқдон нима вазифани бажаради? ►Ўзига патронларни жойлайди ва уларни ствол қутисига узатиб туради.
35.Найза-пичоқ нима вазифани бажаради?
►Қўл жангида душманга жароҳат етказиш учун хизмат қилади, зарурат туғилганда пичоқ, арра, қайчи сифатида ишлатилади.
36.Автомат қандай даражада қисмларга ажратилади? ►Тўлиқ ва нотўлиқ.
37.Автомат қачон тўлиқ қисмларга ажратилади? ►Автомат жуда кирланганда ёки таъмирга мухтож бўлганда.
38.7,62 мм калибрдаги ўқлар неча хил бўлади? ►Оддий ва махсус.
39.Оддий ўқ нима мақсадда ишлатилади? ►Душманнинг очиқ ва ўқ тешиб ўта оладиган ниқоб ортидаги жонли кучини йўқ қилиш учун.
40.5,45 мм калибрдаги ўқлар неча хил бўлади? ►Оддий ва трасса қолдирувчи.
41.Патроннинг гилзаси нима вазифани бажаради? ►Патроннинг барча қисмларини бириктириб туради, порох зарядини ташқи таъсирдан сақлайди, порох газларини затвор томонга ўтиб кетишдан сақлайди.
42.Порох заряди нима вазифани бажаради? ►Ўққа ҳаракатни узатади.
43.Пистон (капсюл) нима вазифани бажаради? ►Порох зарядини ўт олдиради.
44.Автомат қачон тозаланади? ►Отишдан аввал ва отишдан сўнг, жанговар шароитларда жанглар орасидаги тинч вақтда, дала машғулотларидан сўнг, ўқув машғулотлари орасида танаффус вақтида.
45.Агар автомат ишлатилмаса у қанча муддат ичида тозаланиши керак? ►7 кунда бир марта.
46.Автоматни тозалашда қандай мойлардан фойдаланилади. ►Қурол мойи,РЧС.
47.Автоматни тозалашда қандай материаллардан фойдаланиш мумкин эмас? ►Абразив материаллардан.
48.Автомат тозалаб бўлингач қандай ҳолатда сақланади? ►Ўқсизлантирилган, найза – пичоқ ва ўқдон ажратилган, тепки туширилган, ўтказгич сақлагич ҳолатига қўйилган, прицел “П” да.
49.Далада ҳаракат қилинганда ўқдон автоматга бириктирилган ҳолатда бўладими ёки ажратиб қўйиладими?►Бириктирилган бўлади.
50.Автоматни ҳар куни кўздан кечирганда нималар текширилади? ►Автоматнинг барча қисмларини мавжудлиги, уни кирланиши, зангланиши, ёғоч ва металл қисмлари жароҳатларини борлиги, қўшимча ашёларнинг борлиги.
51.Автоматни отишга тайёрлашда нима ишлар қилинади? ►Автомат қисмларга ажратилиб кўздан кечирилади, тозаланади, мойланади, йиғилган ҳолатда яна кўздан кечирилади. Ўқдон ҳам кўздан кечирилади.
52.Патронларни отишга тайёрлашда нима ишлар қилинади? ► Гилзада занглашни ва букулишни йўқлиги текширилади, ўқни гилзадан бўшаб кетмаганлиги, пистонда яшил моғорнинг йўқлиги текширилади. Шунингдек жанговар патронлар ичида ўқув патронларнинг йўқлиги текширилади.
53.Автомат ўқланганда патрон узатилмаса нима қилинади? ► Автоматни қайта ўқлаш зарур. Агар тутилиш яна такрорланса ўқдонни алмаштириш керак. Ўқдоннинг ёпқичи бузилса автоматни таъмирлаш устахонасига жўнатиш керак.
54.Автомат ўқлаганда патрон стволнинг учида тиқилиб қолса нима қилинади? ►Затвор рамасининг дастачасини қўл билан ортга тортиб ушлаб туриб, тиқилиб қолган патрон чиқариб олинади ва отиш давом эттирилади. Тутилиш давом этса ўқдон алмаштирилади.
55.Автоматни ўқлаб тепкини эзилганда отиш юз бермаса нима қилинади? ►Автоматни қайта ўқлаб отиш давом эттирилади. Тутилиш такрорланса зарбдор ва тепки механизми кўздан кечирилади ва тозаланади. Тепки мехнизми синган ёки ейилиб кетган бўлса автомат таъмирлаш устахонасига жўнатилади.