Huzuridagi davlat va jamiyat qurilishi akademiyasi

oshirishga bel bog„ladik. 

Quruq  va‟dalar,  jizzakilik,  siyosiy  jazavalar  payti  o„tdi.  Bugun  xalqimizga 

tinchlik va osoyishtalik kerak. Oldin qorinni to„yg„azib, ishning sarhisobini qilib, 

to„g„ri  yo„lni  tanlab,  bozor  iqtisodiyoti  uchun  zamin  hozirlab,  undan  keyin 

siyosiy bahslar bilan shug„ullanish mumkin. Oldin hammamiz bir bo„lib, bir tan-

bir jon bo„lib, ertangi kun harakatini qilaylik».

 

O„z  yo„liga  sobitlik,  qat‟iyat  va  iroda  eng  og„ir  paytlarda  mustaqillik  degan  oliy 

ne‟matni  asray  oldi.  Darhaqiqat,  xalq  orzu-umidi  va  ehtiyojlari  bilan  davlat 

siyosatining uyg„unligi ta‟minlanmasa bunday taraqqiyotning umri qisqa bo„ladi. Har 

qanday  sharoitda  ham  o„tish  davrida  davlat  siyosatida  qat‟iy  iroda,  qarama-qarshi 

fikrlarga  to„g„ri  munosabat,  zarur  kelganida  esa  «diktatura»  ko„rinishidagi 

qattiqqo„llik,  qat‟iy  talab  ehtiyoj  darajasiga  ko„tariladi.  Ana  shu  ehtiyoj  qondirilgan 

taqdirdagina  jamiyatda  barqarorlik,  iqtisodiy  taraqqiyot,  ma‟naviy  ravnaq  qaror 

topadi.  

Demokratiya  ishqibozlari  o„z  faoliyatlaridagi  jiddiy  nuqsonlarni,  g„oyaviy 

kemtiklikni va tashkiliy noshudlik illatlarini jazavalar-u vasvasalar bilan niqoblashga 

qanchalik  intilishmasin,  qaysidir  darajada  mavjud  siyosiy  rejim  oqibatida  vujudga 

kelgan  nuqsonlardan  jabr  tortayotgan, iqtisodiy,  huquqiy  va  ma‟naviy  jihatdan  qiyin 

ahvolga  tushib  qolgan  aholining  ikkilanishlaridan,  ichki  noroziliklaridan  ustomonlik 

bilan foydalanmoqchi bo„ldilar. 

Ya‟ni, haqiqatga tashna, yaqin o„tmishdagi to„rachilik va ma‟muriy-buyruqbozlik 

illatlaridan zada bo„lgan, tobelik va mutelik, qo„rquv va hadik ezib yuborgan xalqning 

sabr  kosasi  to„lgan  bir  sharoitda  u  kimgadir  ergashishga  muhtoj  edi.  O„zlarini 

millatparvar  qilib  ko„rsatishga  intilganlar  aholining  ana  shu  kayfiyatidan 

foydalanishga, shu yo„l bilan nimalargadir erishishga intilishardi. 

Ularning  o„z  iboralari  bilan  aytganda,  muxolifat  sifatida  maydonga  chiqishlari 

jamiyat  hayotida  ijobiy  hodisa  ekanligi  ma‟lum.  Chunki  har  qanday  jamiyatda 

muxolifatning 

mavjudligi 

fikrlar 

xilma-xilligi, 

dunyoqarashlar 

turlichaligi, 

g„oyalarning  rang-barangligiga  olib  keladi  va  oxir-oqibatda  eng  sog„lom  fikrni 

---

 

170 

tanlashga, eng sog„lom g„oyalarga ergashishga imkon beradi. Biroq, bu jamiyat hayoti 

bir  tekis  ketayotgan,  ijtimoiy-siyosiy  jarayonlar  ma‟lum  bir  izga  tushgan,  jamiyat 

taraqqiyotini  yo„naltiruvchi  kuch  –  omma  fikri  mustahkam  va  yagona  zanjirga 

aylangan bir paytda samara berishi mumkin. 

Biroq,  yuqorida  aytganimizdek,  jamiyat  bir  holatdan  ikkinchi  holatga  o„tayotgan 

bir  sharoitda  barcha  kuchlarni  birlashtirish,  umumiy  manfaat  yo„lida  birlashib 

kurashish  singari  yuksak  siyosiy  madaniyat,  xalq  va  mamlakat  oldidagi  nihoyatda 

og„ir mas‟uliyat milliy ravnaq va iqtisodiy barqarorlikning asosidir. 

Afsuski, O„zbekistonda faoliyat ko„rsatgan, o„zlarini muxolifat deb bilgan siyosiy 

kuchlar  ana  shu  muhim  holatga  baho  bera  olmadilar.  O„zbekiston  mustaqillikka 

erishgach endi mamlakat hayotida jiddiy o„zgarishlar yuz berishi mumkinligi, uning 

xoh ijobiy,  xoh salbiy  oqibatlari bo„lmasin,  hamma  uchun  birday  tegishli ekanligini 

anglay  olmadilar.  Ular  faoliyatida  siyosiy  va  hayotiy  mantiqning  eng  oddiy 

ko„rinishlari ham ko„zga tashlanmadi. Buni nimalarda ko„rish mumkin?