Хусусий компьютерлар ҳАҚида тушунча

Ахборотларни киритиш-чиқариш қурилмаси
Дисплей
Дисплей ёки монитор ўз экранида компьютердаги маълумотларни акс эттиришга мўлжалланган қурилмадир. Дисплей матн ёки график режимида ишлаши мумкин. Матн режимида ишлаганида экран маълум сондаги позицияларга бўлинади. График режимда ишлаганида экранга чиқарилаётган маълумотнинг ўлчов бирлиги бўлиб, алоҳида нуқта (пиксель) ҳиобланади ва у экранда исталган тасвирни чиқариш имконини беради. Дисплейлар таъминлай оладиган ранглар сони ва тасвирнинг сифатига қараб бир неча турларга бўлинади. У ёки бу дисплеё турини танлаб олиш муаммоси шу компьютерда ечиладиган масалаларга боғлиқ. Масалан оқ-қора Hercules дисплейи матнларни қайта ишлашга яхши мослашган, белгилар тасвири аниқ, ранглар шундай танланганки, узоқ вақт давомида ҳам операторнинг кўзи чарчамайди. График тасвирлар билан ишланадиган масалаларни ечишда EGA (16 хил ранг, экранда 640x200 ёки 640x350та пиксель) ва VGA (16 хил ранг, экранда 640x480 пиксель) ёки SVGA (16 хтл ранг, экранда 1024x768 пиксель) дисплейларини ишлатиш мақсадга мувофиқ.
Клавиатура
Клавиатура – бир неча клавишалар гуруҳи жойлашган ясси панелдан иборат:
- SHIFT (юқори регистр) ва CAPS LOCK (бош ҳарфларг ўтиш) клавишалари жойлашган «Ёзув машинкаси» мисоли асосий клавиатура. Бу клавиатура ўз-ўзидан рус ва ўзбек ҳарфларини киритиш имконини бермайди. Бунинг учун экран ва клавиатуранинг махсус программа – драйверлари ишлатилиб, улар компьютер хотирасига киритилиш керак. Лотин ҳарфларидан рус ёки ўзбек ҳарфларига ўтиш ва бунинг акси маълум клавишаларни босиш билан амалга оширилади. Бу эса ўз навбатида ишлатилаётган драйверга боғлиқ;
- Қўшимча рақамли клавиатура;
- Функционал клавиатура;
- Махсус клавишалар қатори.
Функционал клавиатура ва махсус клавишалар турли компьютерларда турлича бўлиши мумкин. Қўшимча рақамли клавиатурада 0,1 , … , 9 рақамлари ва арифметик амаллар белгилари (+ , - , * , / ) жойлашган. Уларни NUM LOCK клавишаси босилган ҳолатда (индикатор лампаси ёниб туради) компьютерга киритиш мумкин. Агар NUM LOCK клавишаси босилмаган бўлса, бу клавишалар кўпчиллик ҳолларда қуйидаги вазифаларни бажариши мумкин:
- стрелкалар – курсорни ўнгга, чапга, юқорига, пастга суриш;
- HOME – курсорни сатр бошига суриш;
- END – курсорни сатр охирига суриш;
- PAGE UP – курсорни бир варақ юқорига суриш;
- PAGE DOWN – курсорни бир варақ пастга ўтказиш;
- DELETE – курсор устидаги белгини йўқотиш;
- INSERT – «Суқулиб кириш» режимини ўрнатиш ва ундан чиқиш.