Huquqiy madaniyat va huquqiy tarbiya asoslari

Mavzu: Huquqiy tarbiyalashda fuqarolik burchlariga itoatkorlikni shakllantirish


RЕJA: 1.Aholining huquqiy madaniyati.
2. Qonunga itoatkorlik.
3. Huquqiy ta'lim va tarbiya


Tayanch so‘z va iboralar: Huquqiy madaniyat, axoli, huquqiy ta'lim, jamiyat, yuksaltirish, komraniya, tarbiya.

Axolining huquqiy madaniyati va huquqiy savodhonligi, avvalambor, Konstitutsiya va qonunlarga hurmat bilan munosabatda bulishni ta'minlaydi. Bu huquqiy normalarga yuzaki munosabatda bo‘lish fikrining uzi bulmasligi kerakligini ifodalaydi. Qonunga xurmat har bir insonning qalbidagi chuqur e'tiborda bo‘lmog‘i lozim. U insonning yoshligidan boshlab ongiga singib, mustahkamlanib borishi kerak. Bu ota-onalar, maktabgacha tarbiya muassasalari, maktablar, barcha jamoat uyushmalari va davlat tashkilotlari, butun jamiyatning ulkan, sermashak ishidir. Nima mumkinu, nima mumkin emasligi haqidagi huquqiy normalar barchaga ma'lum. Qonunni buzish mumkin emasligini tushinish yuridik dunyoqarashning «qalb ko‘zi» bo‘lishi darkor.

Sovet davridagi Huquqiy nigilizm, ya'ni qonun va huquqiy normalarga yuzaki, bepisandlik bilan munosabatda bo‘lish, kishilar ongida chuqur iz qoldirgan va qisqa muddat ichida qonunga bo‘lgan munosabatni tubdan uzgartirishga erishish juda qiyin. Endilikda huquqiy tarbiya borasida uzoq vaqt, doimiy va tinimsiz ishlash, fuqarolarni qonunga hurmat bilan munosabatda bo‘lishga qo‘niqtirish yuzasidan betinim mehnat qilish zarurdir.
Qonun —nafaqat majburiy huquqiy farmoyish, balki xalq irodasining ifodasi hamdir. Uni xalq saylagan parlament qabul qiladi.
Davlat hokimiyatining ham, qonunning ham manbai xalqdir. Uning zamirida qonunning ustunligi g‘oyasi yotadi. Xalq manfaatlari va hohish-irodasidan ustun turuvchi narsa bulishi mumkin emas. Qonunga itoatgo‘y fuqarolar buni doimo yodda saqlaydilar. Qonun va qonunga itoatgo‘y fuqarolar harakatlaridagi hamjihatlik huquqiy davlatga kuch-quvvat bag‘ishlaydi.