Hujjat kuchini yo‘qotgan

19-modda. O‘zbekiston Respublikasi Oliy sudi Plenumining qarori
Oldingi
 tahrirga qarang.
O‘zbekiston Respublikasi Oliy sudi Plenumining qarori qabul qilingan paytdan e’tiboran
qonuniy kuchga kiradi.
(19-moddaning birinchi qismi O‘zbekiston Respublikasining 2017-yil 29-martdagi O‘RQ-421-son
Qonuni 
tahririda — O‘R QHT, 2017-y., 13-son, 194-modda)
O‘zbekiston Respublikasi Oliy sudi Plenumining qarori O‘zbekiston Respublikasi Oliy sudi raisi
va O‘zbekiston Respublikasi Oliy sudi Plenumining kotibi tomonidan imzolanadi.
20-modda. O‘zbekiston Respublikasi Oliy sudi Plenumi majlisining bayonnomasi
O‘zbekiston Respublikasi Oliy sudi Plenumining majlislarida bayonnoma yuritiladi.
O‘zbekiston Respublikasi Oliy sudi Plenumi majlisining bayonnomasi O‘zbekiston
Respublikasi Oliy sudi raisi va O‘zbekiston Respublikasi Oliy sudi Plenumining kotibi tomonidan
imzolanadi.
Oldingi
 tahrirga qarang.
21-modda. O‘zbekiston Respublikasi Oliy sudi Plenumi tomonidan o‘z vakolatlariga
taalluqli masalalarni ko‘rib chiqish
(21-moddaning nomi O‘zbekiston Respublikasining 2017-yil 29-martdagi O‘RQ-421-son 
Qonuni
tahririda — O‘R QHT, 2017-y., 13-son, 194-modda)
Oldingi
 tahrirga qarang.
O‘zbekiston Respublikasi Oliy sudi raisi O‘zbekiston Respublikasi Bosh prokurori yoki
O‘zbekiston Respublikasi Sudyalar oliy kengashining raisi tomonidan O‘zbekiston Respublikasi Oliy
sudi Plenumi muhokamasiga kiritilgan masalalar tegishincha ularning ma’ruzalari yoki ular vakolat
bergan shaxslarning ma’ruzalari bo‘yicha eshitiladi. Ushbu masalalarning muhokamasida
O‘zbekiston Respublikasi Oliy sudi Plenumining majlisiga taklif qilingan shaxslar ishtirok etishi
mumkin.
(21-moddaning birinchi qismi O‘zbekiston Respublikasining 2017-yil 12-apreldagi O‘RQ-428-son
Qonuni 
tahririda — O‘R QHT, 2017-y., 15-son, 242-modda)
O‘zbekiston Respublikasi Oliy sudi Plenumining qarori majlisda ishtirok etayotgan
O‘zbekiston Respublikasi Oliy sudi Plenumi a’zolarining ko‘pchilik ovozi bilan ochiq ovoz berish
orqali qabul qilinadi va qabul qilingan paytdan boshlab kuchga kiradi.
Qonun hujjatlarini qo‘llash masalalari bo‘yicha O‘zbekiston Respublikasi Oliy sudi
Plenumining tushuntirishlari sudlar, ushbu tushuntirishlar berilgan qonun hujjatlarini qo‘llayotgan
boshqa organlar, korxonalar, muassasalar, tashkilotlar va mansabdor shaxslar uchun majburiydir.
Keyingi
 tahrirga qarang.