Hozirgi o’zbek

Бириктирув боғловчилари.

Зидлов боғловчилари.

Айирув боғловчилари.

Бириктирув боғловчилари: ва, ҳам, ҳамда. Билан кўмакчиси бириктирув боғловчиси вазифасида қўлланилади. Бу боғловчилар уюшиқ бўлаклар ҳамда қўшма гап таркибидаги содда гапларни боғлайди.
Бу боғловчилар ўрнида -у, -ю, -да юкламалари ҳам қўлланилади. Масалан, Ҳалиги йигит бошни кўтариб Саидийга бир қаради-да, яна ўз иши билан машғул бўлди. (А.Қ)
Зидлов боғловчилари: аммо, лекин, бироқ, ҳолбуки. Бу боғловчилар уюшиқ бўлакларни ва мазмунан зид бўлган гапларни боғлайди. Зидлов боғловчилари ўрнида ҳам -у, -ю, -да юкламалари қўлланилади. Озроқ мизғиб олмоқчи бўлди-ю, танасининг зирқираб оғришидан кўзи илинмади. (С.А)
Айирув боғловчилари: ё, ёки, дам, гоҳ, хоҳ, баъзан.
Бу боғловчилар асосан такрорланган ҳолда қўлланилиб, гап бўлаклари ва гапларни бир-биридан ажратиш ҳамда ва воқеа ҳодисанинг олдин-кейинлигини кўрсатиш учун қўлланилади. Масалан, гоҳ олмазор, гоҳ шафтолизор, гоҳ теракзорлар орасидан ўтиб борардим. (Х.Т)
Эргаштирувчи боғловчилар қўшма гап таркибидаги содда гапларни эргашиш (тобелаш) муносабати асосида боғлайди: -ки (-ким), чунки, гўё, гўёки, токи, агар, башарти, гарчи, яъни, шунинг учун, мабодо.
Эргаштирувчи боғловчилар маъноларига кўра қуйидагича:

1. 
   Аниқловчи боғловчилари: -ки (-ким), яъни.
   
2. 
   Сабаб боғловчилари: чунки, шунинг учун.
   
3. 
   Чоғиштирув боғловчиси: гўё, гўёки
   
4. 
   Мақсад боғловчиси: токи.
   
5. 
   Шарт ва тўсиқсизлик боғловчилари: агар (гар), агарчи, гарчи, гарчанд, башарти, мабодо.
   

Юкламалар
Сўз ёки гапга қўшимча маъно қўшиш учун ишлатиладиган ёрдамчи сўзлар юкламалар дейилади.
Юкламалар тузилишига кўра икки хил:

1. 
   Аффикс юкламалар: -ми, -чи, -а (-я), -у (-ю), -оқ, -ёқ, -ку, -да, -дир, -гина (-кина, -қина)
   
2. 
   Сўз юкламалар: фақат, ахир, ҳатто, ҳаттоки, ҳам, наҳот, наҳотки, худди, нақ.
   

Юклама қўшимча маъно ифодалашига кўра қуйидагича:

1. 
   Кучайтирув ва таъкид юкламалари: -ку, -у (-ю), -да, -оқ (-ёқ), ахир, ҳатто, ҳаттоки, ҳам.
   
2. 
   Сўроқ юкламалари: -ми, -чи, -а (-я), наҳот, наҳотки.
   
3. 
   Айирув ва чегаралов юкламалари: фақат, -гина (-кина, -қина). Бир ва ёлғиз сўзлари фақат юкламаси ўрнида қўлланилади.
   
4. 
   Аниқловчи юкламалари: нақ, ҳудди.
   
5. 
   Гумон юкламаси: -дир.
   

Юкламаларнинг ёзилиши қуйидагича:

1.