Hozirgi o`zbek adabiy tili (Sodda gap sintaksisi)” fanidan O`quv uslubiy мajmua

Asosiy qism

Fanning nazariy mashg‘ulotlari mazmuni

“Hozirgi o‘zbek adabiy tili” fanida tilshunoslik bo‘limlari (fonetika va fonologiya, grafika va orfografiya, orfoepiya, leksikologiya, frazeologiya, leksikografiya, morfemika, so‘z yasalishi, morfologiya va sintaksis), til tarixi, tilshunoslikning nazariy masalalari bilan aloqador jihatlar, lisoniy tahlil usullari haqida ma’lumot beriladi.

I bob. “Hozirgi o‘zbek adabiy tili” kursiga kirish

“Hozirgi o‘zbek adabiy tili” kursining predmeti, maqsadi va vazifalari. Hozirgi o‘zbek tili o‘zbek milliy tilining yuqori bosqichi – oliy formasi ekanligi. Adabiy tilning dialekt va shevalardan, jargon va argolardan farqi. Adabiy til va funktsional stillar (vazifaviy uslublar) o‘rtasidagi aloqa.

Hozirgi o‘zbek tilining og‘zaki va yozma shakllari, ularning moddiy-material asoslari, til kommunikatsiyasidagi roli.

Hozirgi o‘zbek tili taraqqiyotini belgilovchi lingvistik (lisoniy) va ekstralingvistik (nolisoniy) omillar.

Davlat tili to‘g‘risidagi qonunning hozirgi o‘zbek tili mavqeini mustahkamlashdagi roli. Hozirgi o‘zbek adabiy tilining tarixiy ildizlari va dialektal asoslari.

“Hozirgi o‘zbek adabiy tili” kursi tarkibiga kiruvchi fanlar:

Fonetika va fonologiya.

Grafika va orfografiya.

Orfoepiya.

Leksikologiya va frazeologiya.

Leksikografiya.

Morfemika.

So‘z yasalishi.

Grammatika (morfologiya va sintaksis).