Hozirgi o`zbek adabiy tili (Sodda gap sintaksisi)” fanidan O`quv uslubiy мajmua

EKSPERT XULOSASI
O`zbekiston o`z mustaqilligini qo`lga kiritganidan buyon ko`pgina sohalar singari ta’lim sohasida ham tub islohotlarni amalga oshirib, ta’lim jarayonida yetuk, raqobatbardosh kadrlarni tayyorlashga jiddiy e’tibor qaratmoqda. Shu jumladan, bo`lajak o`qituvchilarni tayyorlashda ham ularning nazariy bilimlar bilan bir qatorda amaliy ko`nikmalarni egallashlari muhim vazifa hisoblanadi.

“Hozirgi o’zbеk аdаbiy tili” (Sodda gap sintaksisi) fani bo`lajak o`qituvchilarni tayyorlash uchun o`qitiladigan umumkasbiy, amaliy fanlardan biri hisoblanadi. Ushbu fanning o`zlashtirilishi natijasida talabalar pedagogik texnologiyalar fanining mazmun mohiyati, rivojlanish bosqichlari va pedagogik texnologiyalarning klassifikatsion tamoyillari hamda an’anaviy innovatsion ta’limning o`ziga xos xususiyatlari haqida bilim ko`nikmalarni egallaydilar va malakaga ega bo`ladilar.

“Hozirgi o’zbеk аdаbiy tili (Sodda gap sintaksisi)” fanidan kafedra professor-o`qituvchilar tomonidan tayyorlangan ta’lim texnologiyalari majmuasi zamon talablari asosida, innovatsion pedagogik texnologiyalarni qo`llash texnikasi ochib berilgan holda ishlab chiqilgan.

Kurs bo`yicha o`quv rejasida ma’ruza va amaliy mashg`ulotlari rejalashtirilgan bo`lib, har bir mavzu bo`yicha dars mashg`ulotini o`tkazish texnologiyalari batafsil izohlab berilgan. Majmuada “Aqliy hujum”, “Klaster”, “Nima uchun?”, “Qanday?”, “Muammo”, “Tushunchalar tahlili”, “Venn diagrammasi”, “Charxpalak”, “Qarama-qarshi munosabat”, “Ikki qismli kundalik”, “Fidbeyk”, “Assisment”, “Agar men…”, “Xulosalash” kabi interfaol ta’lim texnologiyalaridan foydalanilgan.

“Hozirgi o’zbеk аdаbiy tili” (Sodda gap sintaksisi) fanidan kafedra professor-o`qituvchilari tomonidan tayyorlangan ta’lim texnologiyalari majmuasi qo`yilgan talablarga to`la mos keladi va ta’lim tizimida talabalarni o`qitishda qo`llash o`z samaradorligini beradi.