Hozirgi kunda dolzarb masalalardan biri hisoblanadi

MUHAMMAD AL-XORAZMIY NOMIDAGI
TOSHKENT AXBOROT TEXNOLOGIYALARI UNIVERSITETI
5A330302 – “Axborot xavfsizligi” magistratura mutaxassisligi talabasi
Bekjonov Anvarjon Foziljon o'g'lining
“Kompyuter tarmoqlarining himolanganligini tahlilovchi ko'pagentli tizim arxitekturasini ishlab chiqish” mavzusidagi magistrlik dissertatsiya ishiga
TAQRIZ
Korporativ tarmoqlardagi axborotni xavfsizligi ta’minlash muammolarini yechish murakkabligi shundan iboratki, qaror qabul qiluvchi shaxs (tizim administratorlari, axborotni himoyalash bо‘yicha mutaxassislar, bir qator foydalanuvchilar) qabul qilinayotgan qarorlarni noaniqligi, kо‘rilayotgan obyekt tо‘g‘risidagi bilimlarning tо‘liqmasligi, joriy ma’lumotlarni ishonchsizligi va noaniqligi bilan bog‘liq faktorlar noaniqligi mavjud sharoitlarda harakat qilishga tо‘g‘ri keladi. Shuning uchun ham korporativ tarmoqlardagi axborotlarni himoyalashning tizimini kо‘pagentli intellektual tizim kо‘rinishida qurish taklif etiladi. Kо‘p agentli tizimlar – bu turli xildagi axborot manbalari bilan о‘zaro aloqalarni tashkillashtirish uchun mо‘ljallangan tizimlardir. Aynan turli axborot manbalari: insonlar, axborot tizimlarining dasturiy va apparat ta’minoti, boshqa agentlar bilan о‘zaro aloqa zarurati, hamda agentlarning faolligi, kommunikativligi va avtonomligigini umumlashtirgan holda korporativ tarmoqlardagi axborotlarni himoyalashga imkon beruvchi kо‘pagentli intellektual tizim asosida himoya mexanizmini ishlab chiqish zarur hisoblanadi.
Shundan kelib chiqib, Bekjonov Anvarjon Foziljon o'g'lining “Kompyuter tarmoqlarining himolanganligini tahlilovchi ko'pagentli tizim arxitekturasini ishlab chiqish”ga bag‘ishlangan magistrlik dissertatsiya mavzusi hozirgi kunda dolzarb masalalardan biri hisoblanadi.
Dissertatsiya ishi kirish, 3 ta bob, xulosa va foydalanilgan adabiyotlar ro‘yxatidan iborat.
Magistrlik ishining birinchi bobida axborotni himoyalashning kо‘pagentli intellektual tizimlari o’rganib chiqilgan. Axborotni himoyalashning intellektual tizimlari va texnologiyalarining qiyosiy tahlili qilingan.
Dissertatsiyaning ikkinchi bobida korxonadagi axborotlarni himoyalashning kо‘pagentli intellektual tizimini arxitekturasini ishlab chiqildi.
Dissertatsiyaning uchinchi bobida axborot tizimiga bо‘ladigan tahdidlarni tahlillash, hujumlarni aniqlash usullari tadqiq qilindi.
Magistrlik dissertatsiya ishining kamchiligi sifatida:

• 
  axborot tizimiga bо‘ladigan tahdidlar to’liq bayon etilmagan;
  
• 
  mavjud dasturiy vositalar tahlili qisman o’rganilgan.
  

Yuqorida keltirilgan kamchilikga qaramay, dissertatsiya bo‘yicha olib borilgan tadqiqot ishlari mavzusi va hajmi magistrlik akademik darajasini olish talablariga to‘liq mos keladi, ish yuqori saviyada bajarilgan hamda uning muallifi Bekjonov Anvarjon Foziljon o'g'li 5A330302 – “Axborot xavfsizligi” mutaxassisligi bo‘yicha magistrlik darajasini olishga loyiq va mazkur dissertatsiya ishini himoya qilishga taqdim etish mumkin deb hisoblayman.

I.A.Karimov nomidagi TDTU Axborot texnologiyalari kafedrasi mudiri, t.f.n.

M.V. Sagatov