Ўзбекистон республикаси қурилиш вазирлиги ўзбекистон республикаси

10.4. Эластик тош
Эластик тош таркибини асосий қисмини қум ва тош ташкил этади. Саралаб олинган минерал тош доналари аввал силлиқланади, сўнг акрил диспрессия билан қопланади. Ишлов берилган минераллар тош доналари устига табиий қумтош шаклини қайтарувчи махсус текстил мато ёпилади. Акрилли таркиб қуриш жараёнида теқстил матонинг майда минерал доналарига ёпишади. Қотган майда тош доналарини мато билан бирга олинади ва у эластиқ ашё учун асосга айланади. Бу жараённинг барчаси қўл меҳнати билан амалга оширилганлиги туфайли унинг таннархи шунга мос равишда юқори бўлади.
Эластик тош ўзининг қуйидаги хусусиятларининг афзалликлари билан бошқа сунъий тошлардан фарқ қилади:

1. 
   Экологик тозалиги – эластик тош атроф муҳит ва одамлар учун зарарли моддаларга эга эмас ва ҳавода тарқалувчан буғ ва ҳиди йўқ.
   
2. 
   Енгиллиги- қвадрат метри 5 кг дан оғир эмас ва ташқи қоплам учун оғирлик қилмайди.
   
3. 
   Қайта ишлашда қулайлиги- эластик плитқалар исталган нотекис тошга мослашади ва мураккаб шаклдаги буюмлар яратиш имконини беради.
   
4. 
   Буғ ўтказувчанлиқ- нафас олувчан ашё, намлиқ ва буғи ўтказиши туфайли деворларни ҳаво алмашиши енгиллашади.
   
5. 
   Паст ва юқори ҳарорат ва қуёш нурларига чидамлилиги, ўтда эримайди аммо юмшайди, тутамайди.
   
6. 
   Ёруғлик ўтказувчанлик - бундай эластик тош дизайнерлар эътиборини тортувчи фактуралар яратиб ёруғлик ўтказадиган композициялар яратиш имқонини беради.
   
7. 
   Узоқ йилга чидамлилиги - маҳсулот ишлаб чиқарувчи мутахасислар томонидан 35 йил давомида бундай сунъий тош юзаларида нуқсонлар ёки рангининг ўзгармаслигини тажрибалар асосида текширилган. Атроф муҳитнинг салбий таьсири натижасида бу кўрсатқич пасайиши мумкин, шу сабабли ташқи пардозлашда қўлланган тош 20-25 йилга чидамли эканлиги аниқланди.
   

Эластик тош асосан биноларнинг ичқи пардозлаш ишларида қўлланади. Табиий қўриниш ва хусусиятларига қўра у барча табиий тошлар билан яхлит бирликни ташкил этади (ёғоч, мармар, тош ва ҳ.к).
Бу тошни юқори иссиқлик ва намлик бор жойларда - бассейн, сауна, ҳаммомларда қўллаш мумкин. Бу тошни нафақат деворларни қоплашда балки эгилувчан нотекис юзаларни, арка, зинапоя, устунларни пардозлашда қоплама сифатида ишлатиш мумкин (10.4-расм).