Ўзбекистон республикаси қурилиш вазирлиги ўзбекистон республикаси

Қоришмани сув ушлашлигини ва пластиклигини таъминлашда анорганик ва органик қўшилмалар ишлатилади.
Сув ва намни ўзида ушлаб турадиган қўшилмалар - оҳак, кул, тупроқ, диатомит, туйилган тошқол ва ҳ.к. қоришманинг пластиклигини оширади.
Совуқ кунлари тайёрланаётган қоришманинг музлаб қолмаслиги ва қотиш тезлигини нормал бўлиши учун кимёвий қўшилмалар (хлорли кальций - 3-7%; поташ - 3-5%; хлорли натрий – 3-5% ва ҳ.к.) қўшилади.
14.3. Ранги қоришмалар
Рангли қоришмаларни тайёрлаш технологияси оддийлардан фарқ қилади. Бунинг учун пардозланадиган юзанинг ҳолатига (текислиги, ашёнинг хили ва х.к.) кўра ранг берувчи пигментлар, юзага жило ва безакли рельеф берувчи турли рангдаги майда, йирик тўлдиргичларни танлаш ва уларни майда йириклиги бўйича фракцияларга (гранулометрияси) бўлиш ва бундан кейин таркибини ҳисоблаб пардозбоп қоришма тайёрлаш керак бўлади.
Пардозбоп қоришма учун ишлатиладиган рангли боғловчи модда турли сувоқ қилинадиган юзанинг қандай ашёдан эканлигига ҳам боғлиқ. Қуйидаги 14.3-жадвалда деворни хилига кўра боғловчи моддани танлаш ёритилган.
Рангли безак сувоқ қоришма таркибига кўра охак-қумли, терразитли, тошсимон хилларда бўлади. Террозит қоришма боғловчи мода, қуруқ пигмент, тўлдиргич ва майдаланган юпқа слюда парчалари билан аралашган ҳолда тайёрланади. Тошсимон безакли сувоқ қилишда ҳар ҳил рангдаги табиий тошга ўхшаган юзани ишлаш учун қоришмага майда ва йирик (ўлчами 5 мм гача) донадаги рангли тоғ жинслари қўшиб тайёрланади.


Қоришмани ишлатилишига кўра боғловчи моддани танлаш
14.3-жадвал

Безакли сувоқ қилинадиган юза	Қоришма учун боғловчи модда
Оғир ва енгил бетон, силикат бетон ёки ғишт	Портландцемент, полимер цемент, охак, рангли цемент, цемент-коллоид елим
Иншоотни фасад юзаси оддий ғишт	Охак, рангли портландцемент, оқ цемент
Деворни ички юзаси панел ёки блок	Гипсполимерцемент, қуйдирилмай олин-ган цемент, цемент-коллоид елим, цемент-перхлорвинил, рангли портландцемент
Деворни ички юзаси оддий ғишт	Охак, гипс гипсполимер цемент, цемент-перхлорвинил, рангли цемент

Боғловчи модда сифатида оқ ёки пигментлар қўшилган портландцемент ишлатилади. Айрим ҳолларда 5 % гача оҳак қўшилади.

Бундай безакли сувоқ учун ишлатиладиган рангли қоришмани ёйилувчанлиги безакли қатлам учун стандарт конусни чўқиши 7-10 см бўлиши керак. Қўл меҳнати билан ишланганда, тегишли равишда 8-12 см ва 9-12 см дан ошмаслиги керак.