Ўзбекистон республикаси қурилиш вазирлиги ўзбекистон республикаси

Кўп кавакли шиша ишлаб чиқариш технологияси бўйича газ ёки кўпик шишаларга бўлинади. Ундаги бир тартибда жойлашган юмалоқ ковакчаларнинг диаметри 0,1-5 мм бўлиб, улар ўзаро юпқа шиша девор билан ажралган.
Кўпик-шиша енгил серғовак ашё. Бунда шиша кукуни кўпик ҳосил қилувчи билан аралаштирилади ва қолипларга жойланади. Кейин қуритилади ва эритиш учун махсус печларга юборилади. Эритиш ҳарорати 650-700⁰С. Кўпик ҳосил қилувчи сифатида совун, бентонит тупроғи ва ҳ.к. лар ишлатилади.
Газ-шиша олиш учун шиша чиқиндиларини обдан туйиб, унга газ ҳосил қилувчи қўшилмалар (кокс, оҳактош, мармар ва бошқалар) қўшилиб қолипга жойланади ва 600-850⁰С ҳароратда эритилади.
Шиша массанинг ҳажми кенгайиб қолипни тўлдиради. пировардида суюқлик ҳолатига ўтаётган шиша эритмасида қўшилмалар газ ҳосил қилади ва қотиш жараёнида буюмда майда ковакчалар пайдо бўлади. Бу эса буюмнинг зичлигини, иссиқлик ўтказувчанлигини камайтиради.
Кўп кавакли шишанинг ғоваклиги 85-95%, зичлигини 140 дан 500 кг/м³ гача, иссиқлик ўтказувчанлик коэффициенти 0,006 дан 0,125 Вт/м град гача, сиқилишдаги мустаҳкамлиги эса 0,08-5 МПа гача бўлади (11.4-жадвал).
Кўп кавакли шишадан ўлчамлари 1000х500х125 мм ёки 500х500х125 мм ли блок ва плиталар тайёрланади. Кўп кавакли шишани арралаш осон, кесиш ёки пармалаш мумкин. Ундан тайёрланган буюм совуққа ҳамда кимёвий эритмалар таъсирига чидамли бўлади.


Кўп кавакли шиша турларининг хоссалари
11.4-жадвал

Кўрсаткич	Кўп кавакли шиша турлари
	Иссиқ-совуқни кам ўтказадиган	Иссиқ-совуқни кам ўтказадиган	Сувдан ҳимояловчи	Махсус
Ўртача зичлик, кг/м^3	150-250	130-160	140-180	250-500
Иссиқлик ўтказувчанлик, Вт/(м∙^оС)	0,016-0,087	0,055-0,007	0,06-0,07	0,1-0,125
Сиқилишга мустаҳкамлик, МПа	0,08-2	0,5-0,8	0,6-0,9	3-5
Рухсат этилган ҳарорат, ^оС	+400	-160…+400	+600	-

Кўп кавакли шиша қурилишда кўп қатламли темирбетон панелларда, темирбетон, ғишт ва ёғоч тахта деворларда, поллар ва қаватлараро плиталарда иситкич қатлам сифатида ишлатилади. Сирти 400⁰С гача қизийдиган ускуна ва қувурларни қоплашда ҳам иссиқликни сақловчи ашё сифатида кўп кавакли шиша ишлатилади.