Ózbekiston respublikasi oliy va órta maxsus ta’lim vazirligi berdaq nomidagi qoraqalpoq davlat universiteti

Noaniqlik byudjeti va uni tuzish tartiblari

Chiqish kattaligining yigʼindi standart noaniqligini topishni osonlashtirish uchun ilgari boblarda kirish kattaliklari tógʼrisida olingan va tahlil qilingan barcha axborotni miqdoriy shaklda jadval kórinishida umumlashtirish va yaqqol tasvirlash tavsiya etiladi. Bunday jadval noaniqlik byudjeti deb ataladi.

Noaniqlik byudjetidan, shuningdek, ólchash aniqligini topish, ólchash modelini tógʼrilash yoki baʼzi noaniqliklar manbalarining taʼsirini kamaytirish usullarini izlash maqsadida, har bir noaniqlik manbaining yigʼindi noaniqlikka qóshgan hissasini tahlil qilishda ham foydalanish mumkin.

Noaniqlik byudjeti – noaniqlik, uni hisoblash va yigʼindisidan iborat bólgan ólchashlar noaniqligi tógʼrisidagi hisobot.

Noaniqlik byudjeti ólchash modeli, ólchash modeliga kiradigan kattalik bilan bogʼliq bólgan ólchash noaniqligi va bahosi, qóllanilgan ehtimollik zichligi funktsiyalari turlari, erkinlik darajasi soni, noaniqlikni baholash turi va qamrab olish koeffitsienti haqidagi maʼlumotlardan iborat bóladi. Noaniqliklar byudjeti kirish kattaliklarining miqdoriy qiymatlari haqidagi dastlabki barcha olingan va tahlil qilingan mavjud maʼlumotlarni umumlashtirish va kórgazmali tassavurni hosil qilish uchun xizmat qiladi. Bundan asosiy maqsad chiqish kattaliklari standart noaniqliklar qiymatini bevosita hisoblashni yengillashtirish. Fytish mumkinki, noaniqlik byudjeti ólchashlar noaniqligiga doir barcha asosiy maʼlumotlar va miqdoriy tavsiflar beriladi. Noaniqlik byudjetini tahlil qilish asosida noaniqlikning asosiy manbalarini, ularning miqdoriy va foizli ulushi, ólchash aniqligiga taʼsir qilayotgan asosiy omillar, ólchash aniqligini oshirish usullari va shakllari tógʼrisida amaliy xulosalar shakllantirib olish imkonini beradi.Quyida 8.4.1 ̶ jadvalda noaniqlik byudjtini tavsiyaviy shakldagi kórinishi beriladi.