Ўзбекистон республикаси олий ва ўрта махсус таълим вазирлиги ўзбекистон республикаси маданият вазирлиги ўзбекистон давлат консерваторияси

Ал-Марғиноний (1123-1197 йй.) фикҳга оид бир қатор йирик асарлар яратган. Бу асарлар қаторига «Бидоят ал-мунтаҳий» («Бошловчилар учун дастлабки таълим»), «Кифоят ал-мунтаҳий («Якунловчилар учун тугал таълим»), «Китоб ул-мазид» («Илмни зиёда қилувчи китоб»), «Маносик ул-ҳаж» («Ҳаж маросимлари»), «Мажмуа ул-навозил» («Нозилда бўлган нарсалар тўплами»), «Китоб ул-фароиз» («Фарзлар китоби»), «Китоб ул-машоих» («Шайхлар ҳақида китоб»), «Мазийдун фи фуруъил-ҳанафия» («Ҳанафия мазҳабига қўшимчалар»), «Билоят ул-мубтадий» асари учун 8 жилдлик шарҳ, «Ал-Ҳидоя» («Кифоят ул-мунтаҳий» учун ёзилган 4 жилдлик шарҳ) ва бошқалар киради. Бу китоблар номларининг ўзиёқ ал-Марғиноний ислом динининг асосий масалаларини нақадар кенг қамраб олганлигидан далолат беради. Ал-Марғинонийнинг бутун ислом оламида машҳур бўлган шоҳ асари «Ал-ҳидоя» асари саккиз асрдан ошибдики, бутун мусулмон оламига, дунёнинг барча бурчакларилаги дин, маънавият, маданият, руҳият аҳлига, ҳуқуқшуносларга чексиз манба бўлиб хизмат қилмоқда.
Нажмиддин Кубро (1145-1221 йй.) - тасаввуф таълимотининг Ўрта Осиёдаги йирик вакилларидан бири⁵². Сўфийликдаги Кубровия оқимининг асосчисидир. Кубровия тариқати Яссавия тариқатидан фарқ қилиб, тарки дунёчилик рад этилади. Унда камолот йўлида олиб бориладиган машаққатли меҳнат жараёнида бу дунё ноз-неъматларимдан баҳраманд бўлиш кераклиги илгари сурилади. Бу таълимотда ватанга, халққа бўлган муҳаббат ғояси ниҳоятда кучли бўлиб, ҳар қандай оғир шароитда ҳам халқ билан бирга бўлиш, ватан ҳимояси учун курашиш, унинг мустақиллигини сақлаш зарурлиги даъват қилинади. Ўз ғоясига содиқ Нажмиддин Кубро Ватан ҳимояси йўлида мўғулларга қарши курашда шаҳид бўлди ва жасорат намунасини ўз муридларига кўрсата олди.

АДАБИЁТЛАР:

1. 
   Каримов И.А. Юксак маънавият-енгилмас куч. Т. 2008
   
2. 
   Абдунабиев А. Вклад в мировую цивилизацию. Т. 1998 й.
   
3. 
   Абдухалимов Б. Байт ал -Хикма ва Марказий Осий олимларининг Бағдоддаги илмий фаолияти. Т. 2010
   
4. 
   Ахмедов Б. Тарихдан сабоқлар Т. 1994 й.
   
5. 
   Буюк сиймолар, алломалар. 1-2 китоблар Т. 1995-1996 й.
   
6. 
   Вамбери Х. Бухоро ёхуд Мовароуннахр тарихи. Т. 1990 й.
   
7. 
   Жабборов И. Юксак маданият ва ноёб маънавият маскани. Т.2012 й.
   
8. 
   Муртазаева Р. ва б. Ўзбекистон тарихи. Т.2011 й.
   
9. 
   Негматов Н. Государство саманидов. М. 1974 й.
   
10. 
    Сулаймонова Ф. Шарк ва Гарб. 1998 й.
    
11. 
    Хайруллаев М. Ўрта Осиёда илк уйғониш даври маданияти. Т. 1994 й.
    
12. 
    Хомидий Х. Тасаввуф алломалари. Т.2009.