Ўзбекистон Республикаси Адлия вазирлиги

20. Танлов натижалари баённома билан расмийлаштирилади. Баённома барча ҳайъат аъзолари томонидан имзоланади.
21. Биринчи босқич якунлари бўйича қабул қилинган ҳайъат қароридан норози бўлинган тақдирда, уч кун ичида иккинчи босқич бўйича тузилган тегишли ҳайъатга шикоят қилиниши мумкин.
Бунда, ушбу ҳайъат томонидан шикоят икки кун муддатда кўриб чиқилиб, натижасига кўра қабул қилинган қарор ҳақида ҳудудий ишчи органи орқали шикоят муаллифига маълум қилинади.
22. Иккинчи босқич якунлари бўйича қабул қилинган ҳайъат қароридан норози бўлинган тақдирда, уч кун ичида республика ҳайъатига шикоят қилиниши мумкин.
Бунда, ушбу ҳайъат томонидан шикоят икки кун муддатда кўриб чиқилиб, натижасига кўра қабул қилинган қарор ҳақида республика ишчи органи орқали шикоят муаллифига маълум қилинади.
23. Учинчи босқич натижалари бўйича республика танлов ҳайъати томонидан қабул қилинган қарор муҳокама қилинмайди.


IV боб. Танлов ғолибларини тақдирлаш

24. Танлов ғолиблари ҳақидаги маълумотлар Адлия вазирлиги, Бош прокуратура, Олий ва ўрта махсус таълим вазирлиги, Халқ таълими вазирлиги ва Ўзбекистон Ёшлар иттифоқининг расмий веб-сайтларида эълон қилинади.

Тегишли номинация бўйича ғолиб бўлган номзодлар шахсан хабардор қилинади.
25. Ғолибларни тақдирлаш учун совғалар танлов бошланишидан олдин республика ташкилий қўмитаси томонидан белгиланади ва оммавий ахборот воситалари орқали эълон қилинади.
26. Ғолибларнинг дипломлари Адлия вазирлиги, Бош прокуратура,
Олий ва ўрта махсус таълим вазирлиги, Халқ таълими вазирлиги ва Ўзбекистон Ёшлар иттифоқи раҳбарлари томонидан имзоланади.
27. Ғолибларга ва бошқа иштирокчиларга ҳомийлар томонидан таъсис этиладиган бошқа қимматбаҳо совғалар берилиши мумкин.
28. Танлов натижаларини эълон қилиш ҳамда ғолибларни тақдирлаш, қоида тариқасида, “9 декабрь – Халқаро коррупцияга қарши курашиш куни” арафасида танлов ҳайъати аъзолари, иштирокчилар, ижодий жамоатчилик, оммавий ахборот воситалари вакиллари таклиф қилинган ҳолда амалга оширилади.
Танлов ғолиблари ва совриндорлари оммавий ахборот воситаларида эълон қилинади.


VI боб. Якуний қоидалар


29. Номзодлар томонидан танловда иштирок этиш учун тақдим этилган материаллар бўйича изоҳ ёки шарҳ берилмайди ва улар эгаларига қайтарилмайди.
30. Танлов иштирокчиларининг танловларда ҳамда тақдирлаш маросимида иштирок этиш билан боғлиқ харажатлари уларнинг ўз маблағлари ҳисобидан амалга оширилади.