Yuridik shaxslarning to`laydigan soliqlar ichida ularning daromadi (foydasi)ga soliq budjet daromadlari tarkibida katta o’rin egallaydi

Oddiy shirkat shartnomasi sheriklariga (ishtirokchilariga) soliq solish (SK-157-modda.)

Soliq Kodeksining 380 va 381-moddalarida belgilangan tartibda aniqlanadigan, oddiy shirkat shartnomasi bo`yicha birgalikdagi faoliyatda ishtirok etishdan olinadigan daromad boshqa daromadlar tarkibida jami daromadga kiritiladi va unga ushbu bo`limga muvofiq Yuridik shaxslardan olinadigan foyda solig`i solinishi lozim.

Oddiy shirkat shartnomasining amal qilishi tugatilganda va mol -mulk ushbu shartnoma sheriklariga (ishtirokchilariga) qaytarilganda:

oddiy shirkat shartnomasi sherigi (ishtirokchisi) yoki uning huquqiy vorisi tomonidan boshlang`ich qo`yilma doirasida olingan mol -mulk va mulkiy huquqlar tarzidagi tushumlar, uning ulushi shartnoma sheriklarining (ishtirokchilarining) umumiy mulkidagi mol-mulkdan ajratilgan yoki bunday mol-mulk bo`lingan taqdirda, oddiy shirkat sherigining (ishtirokchisining) daromadlari tarkibiga kiritilmaydi;

qaytarilag`tgan mol-mulk qiymati bilan bu mol-mulkning ilgari oddiy shirkat shartnomasi bo`yicha topshirilgan qiymati o`rtasidagi salbiy farq soliq solish maqsadlari uchun zarar deb e`tirof etilmaydi va Yuridik shaxslardan olinadigan foyda solig`ini hisoblab chiqarishda soliq solinadigan bazani kamaytirmaydi.