Yuridik shaxslarning to`laydigan soliqlar ichida ularning daromadi (foydasi)ga soliq budjet daromadlari tarkibida katta o’rin egallaydi

Dividendlar va foizlar tarzidagi daromadlarga hamda oddiy shirkat ishtirokchilarining daromadlariga soliq solishning o`ziga xos xususiyatlari (SK-156-modda.)

Dividendlar va foizlarga to`lov manbaida soliq solinadi.

Davlat obligatsiyalari va davlatning boshqa qimmatli qog`ozlari bo`yicha daromadlar, shuningdek O`zbekiston Respublikasi Moliya vazirligi huzuridagi O`zbekiston Respublikasi bYudjetdan tashqari Pensiya jamg`armasining vaqtinchalik bo`sh mablag`larini moliya bozorlarida joylashtirishdan foizlar tarzida olinadigan daromadlar soliq solishdan ozod qilinadi. O`zbekiston Respublikasining rezidentlari, shuningdek O`zbekiston Respublikasida faoliyatni doimiy muassasa orqali amalga oshiruvchi, O`zbekiston Respublikasida ilgari to`lov manbaida soliq solingan dividendlar va foizlarni olgan O`zbekiston Respublikasi norezidentlari ularni jami daromaddan chegirish huquqiga ega.

O`zbekiston Respublikasining rezidentlari bo`lgan kredit tashkilotlariga to`lanadigan foizlarga to`lov manbaida soliq solinmaydi, balki ushbu Kodeksda belgilangan tartibda kredit tashkilotida soliq solinadi. Xuddi shunday tartib mol mulkni lizingga berishda lizing beruvchiga to`lanadigan foizli daromadlarga ham tatbiq etiladi.

Yuridik shaxsdan olinib, uning ustav fondiga (ustav kapitaliga) yo`naltirilgan dividendlar tarzidagi daromadlarga soliq solinmaydi.

Ushbu moddaning beshinchi qismida nazarda tutilgan imtig`z qo`llanilganidan so`ng bir yil ichida muassislar (ishtirokchilar) tarkibidan chiqilganda (chiqib ketilganda) g`xud tugatilag`tgan Yuridik shaxsning mol –mulki uning muassislari (ishtirokchilari) o`rtasida taqsimlanganda ilgari soliq solishdan ozod qilingan daromadlarga umumiy asoslarda soliq solinadi.

Investitsiya va xususiylashtirish investitsiya fondlarining o`z investitsiya portfelida turgan xususiylashtirilgan korxonalar aktsiyalaridan dividendlar shaklida olingan daromadlariga soliq solinmaydi.