Yetim bolalar va ota-onasining yoki boshqa qonuniy vakillarining

poyabzal va boshqa buyumlar bilan ta’minlash tartibi to‘g‘risida

NIZOM

1-bob. Umumiy qoidalar

1. Ushbu Nizom umumiy o‘rta ta’lim muassasalari, akademik litsey, kasb-hunar maktablari, kollejlar va

texnikumlarda  (keyingi  o‘rinlarda  —  ta’lim  muassasalari)  ta’lim  olayotgan  to‘liq  davlat  ta’minotida  bo‘lgan

yetim  bolalar  va  ota-onasining  yoki  boshqa  qonuniy  vakillarining  qaramog‘idan  mahrum  bo‘lgan  bolalarni  pul

nafaqalari hamda oziq-ovqat, kiyim-bosh, poyabzal va boshqa buyumlar bilan ta’minlash tartibini belgilaydi.

2.  Davlat  tarbiya,  davolash-sog‘lomlashtirish,  tibbiy-ijtimoiy  muassasalariga  qabul  qilingan,  ushbu

muassasalarni tamomlab akademik litsey, kasb-hunar maktablari, kollejlar va texnikumlar, shuningdek, oliy ta’lim

muassasalariga o‘qishga kirgan yetim bolalar va ota-onasining yoki boshqa qonuniy vakillarining qaramog‘idan

mahrum  bo‘lgan  bolalar  o‘qishga  qabul  qilingan  kundan  boshlab  o‘qishni  tamomlagunga  qadar  to‘liq  davlat

ta’minotida bo‘ladi.

3. Ushbu Nizom:

a) quyidagilarga nisbatan tatbiq etiladi:

davlat  tarbiya,  davolash-sog‘lomlashtirish,  tibbiy-ijtimoiy  muassasalariga  qabul  qilingan,  ushbu

muassasalarni  tamomlab  ta’lim  muassasalarida,  shuningdek,  oliy  ta’lim  muassasalarida  ta’lim  olayotgan  to‘liq

davlat  ta’minotida  bo‘lgan  yetim  bolalar  va  ota-onasining  yoki  boshqa  qonuniy  vakillarining  qaramog‘idan

mahrum bo‘lgan bolalarga;

ta’lim muassasalarida ta’lim olayotgan davrida yetim va ota-onasining yoki boshqa qonuniy vakillarining

qaramog‘idan  mahrum  bo‘lib  qolgan  hamda  homiy  tayinlashning  imkoni  mavjud  bo‘lmaganligi  sababli  to‘liq

davlat ta’minotiga olingan bolalarga (keyingi o‘rinlarda — o‘quvchi (talaba);

b) quyidagilarga nisbatan tatbiq etilmaydi:

davlat tarbiya, davolash-sog‘lomlashtirish, tibbiy-ijtimoiy muassasalarida tarbiyalanayotgan to‘liq davlat

ta’minotida bo‘lgan bolalarga;

vasiylik yoki homiylik belgilangan bolalarga;

oilaga tarbiyaga (patronat) olingan bolalarga;

oliy ta’lim muassasalarida ikkinchi va undan keyingi ta’lim yo‘nalishi, ta’limning sirtqi shaklida ta’lim

olayotgan,  shuningdek,  magistratura  mutaxassisligi  bo‘yicha  bakalavriat  bosqichini  bitirgan  yili  o‘qishga  qabul

qilinmagan talabalarga.

4. To‘liq davlat ta’minoti pul nafaqalari hamda oziq-ovqat mahsulotlari, kiyim-bosh, poyabzal va boshqa

buyumlar, shuningdek, transportda yurish kartochkalaridan iborat bo‘ladi.

O‘quvchi  (talaba)lar  ushbu  Nizomga  1-ilovaga  muvofiq  oziq-ovqat  mahsulotlari  bilan,  2-ilovaga

muvofiq kiyim-bosh, poyabzal va boshqa buyumlar bilan ta’minlanadi.

Shuningdek, o‘quvchi (talaba)larga ular ta’lim muassasasini bitirayotganda, ishga qabul qilinayotganda

kiyim-bosh,  poyabzal  va  boshqa  buyumlar  sotib  olish  uchun  bazaviy  hisoblash  miqdorining  100  baravari

miqdorida,  yo‘l  xarajatlari  uchun  bazaviy  hisoblash  miqdorining  5  baravari  miqdorida  pul  nafaqasi  (keyingi

o‘rinlarda  —  bitiruv  nafaqasi)  beriladi,  ushbu  Nizomning  8-bandi  uchinchi  xatboshisida  ko‘rsatilgan  o‘quvchi

(talaba)lar bundan mustasno.

5.  Agar  o‘quvchi  (talaba)ning  yashash  joyi  u  ta’lim  olayotgan  ta’lim  muassasasi  joylashgan  joydan  3

kilometrdan ortiq masofani tashkil etsa, o‘quvchilar transportda yurish kartochkalari bilan ta’minlanadi.

6. Ta’lim muassasasida ta’lim olayotgan vaqtida voyaga yetganligi (18 yoshga to‘lganligi) munosabati

bilan vasiyligi (homiyligi), oilaga tarbiyaga (patronat) berilganligi to‘htatilgan yoki bekor qilingan o‘quvchilarga

---

22.09.2021, 02:10

 739-сон 21.11.2020. Yetim bolalar va ota-onasining yoki boshqa qonuniy vakillarining qaramog‘idan mahrum bo‘lgan bolala…

https://lex.uz/docs/-5117079

3/51

shaxsiy  xarajatlari  uchun  muassasani  tamomlagunlariga  qadar  har  oyda  bazaviy  hisoblash  miqdorining  ikki

baravari miqdorida pul mablag‘lari berib boriladi.

Ushbu pul mablag‘i oliy ta’lim muassasalarida tahsil olayotgan talabalarga to‘lanmaydi.

7. Ta’lim muassasalarida ta’lim olayotgan vaqtida to‘liq davlat ta’minotida bo‘lgan yetim bolalar va ota-

onasining  yoki  boshqa  qonuniy  vakillarining  qaramog‘idan  mahrum  bo‘lgan  bolalar,  ushbu  muassasalarni

tamomlab, oliy ta’lim muassasalariga o‘qishga kirgandan so‘ng ham to‘liq davlat ta’minotida bo‘ladi.

Oliy  ta’lim  muassasalarida  o‘qiyotgan  ushbu  toifadagi  talabalar  ushbu  Nizomga  1  va  2-ilovalarda

nazarda tutilgan oziq-ovqat mahsulotlari, kiyim-bosh, poyabzal va boshqa buyumlar bilan ta’minlanadi.

8. Ta’lim muassasasida ta’lim olayotgan vaqtda yetim bo‘lib qolgan, ota-onasining yoki boshqa qonuniy

vakillarining  qaramog‘idan  mahrum  bo‘lgan  o‘quvchi  (talaba)larga  nisbatan  qonun  hujjatlarida  belgilangan

tartibda  homiy  tayinlanadi.  Homiy  tayinlashning  imkoni  bo‘lmagan  hollarda  muassasa  joylashgan  hududdagi

tuman  (shahar)  hokimining  qarori  bilan  ushbu  o‘quvchi  (talaba)larga  nisbatan  ular  ta’lim  olayotgan  muassasa

o‘quvchi (talaba) muassasani tamomlagunga qadar homiy etib tayinlanadi.

Tuman  (shahar)  hokimining  qarori  o‘quvchi  (talaba)ning  to‘liq  davlat  ta’minotida  bo‘lgan  bolalar

toifasiga kirishiga asos hisoblanadi.

Ushbu  toifadagi  o‘quvchi  (talaba)larga  ta’lim  muassasasini  bitirayotganda  O‘zbekiston  Respublikasi

Davlat  budjetidan  (keyingi  o‘rinlarda  —  budjet)  berilishi  belgilangan  bir  yo‘la  to‘lanadigan  bitiruv  nafaqasi

berilmaydi.