Toshkent farmatsevtika instituti

Shisha buyum ustida o‘tkaziladigan agglyutinatsiya reaksiyasi. Yog‘ dog‘- larida tozalangan shisha buyum ustiga ikki tomchi zadob va natriy xloridning izotonik eritmasidan tomiziladi. Zardob va izotonik eritma tomchilaridan bitta ilmoq bilan o‘rganilayotgan mikroorganizm ekmasi kiritiladi va yaxshilab aralashtiriladi. Bunda zardob tomchisidagi mikroorganizm ekmasini natriy xloridning izotonik eritmasi tomchisiga qo‘shib yubormaslik kerak. Chunki natriy xloridning izotonik eritmasi antigen kontroli vazifasini bajaradi. Reaksiya xona harorati darajasidagi issiqlikda 1 – 3 minut davom etadi. Agar zardobning kontrol tomchisi shaffofligicha qolsa, antigenni aniqlovchi tomchining bir tekisda xiralanishi kuzatiladi. Mikroorganizm ekmasi aralashtirilgan zardob tomchisida agglyutinat parchalari hosil bo‘lsa, reksiya ijobiy natija ko‘rsatgan hisoblanadi.