Toshkent davlat sharqshunoslik instituti

Qurilish materiallari sanoati. Bu sanoat asosan g‘isht, cherepitsa, sement, oyna va yangi qurilish materiallarini ishlab chiqaradi. Sement ishlab chiqarish bo‘yicha Xitoy hozirgi kunda dunyoda 1-o‘rinni egallamoqda.

Mamlakatning deyarli hamma hududlarida Tibet va Ninsya –Xuey avtonom rayonlaridan tashqari katta yoki o‘rta hajmli sement zavodlari mavjud bo‘lib, ular 3 ta turdagi silikatli, fosfatli va loyli sement ishlab chiqaradi. Xitoyning sementga bo‘lgan ehtiyojini kundan-kunga oshib borgani bilan, u faqat kishi boshiga 140 kg. ni tashkil etmoqda, dunyo bo‘yicha esa, bu ko‘rsatkich o‘rtacha 210 kg. ni tashkil etmoqda. Qolgan yetishmovchilikni Xitoy uni import qilish bilan to‘ldirmoqda.

Undan tashqari, mamlakatda g‘isht va pishirilgan loydan tayyorlanadigan cherepitsalar ham ishlab chiqariladi va ular devor va uy tomlarini yopishda ishlatiladigan materiallarning 90% ini tashkil etadi. 1985 yilda Xitoyda 294,2 mlrd.dona g‘isht va 30,51 mlrd.dona cherepitsalar ishlab chiqarildi. Mamlakatda g‘isht va cherepitsalarni ishlab chiqaradigan 20 mingdan ortiq korxonalar faoliyat ko‘rsatib, ularning ¾ qismi jamoa korxonalari hisoblanadi.