Тошкент давлат иқтисодиёт университети т. М. Зияев, Ш. Т. Исроилова, Д. Т.ЁҚУб олий таълимнинг

Қисқача хулосалар

Ўзбекистон жорий ишчи кучи бозорида ҳозирги кунда ишчи кучига бўлган таклифнинг унга бўлган талабдан юқори бўлиши ҳолати сақланиб қолмоқда. Расмий ишсиз мақомини олган ишсизлар сони 2010 йилнинг сўнгида 2009 йилга нисбатан сезиларли даражада камайди. (мос равишда 20,1 минг ва 16,2 минг киши).
Умуман олганда 2010 йилда жорий ишчи кучи бозори конъюктураси қуйидагича кўриниш ҳосил қилди:

• 
  таклиф қилинган ишчи кучи сони – 678,5 минг киши;
  
• 
  ишчи кучига бўлган талаб – 619,4 минг киши, жумладан, 595,6 минг киши иш билан таъминланди ва 23,8 минг киши – таъминланмади (бўш ўринлар).
  

Шу билан бирга кейинги йилларда республикада ишчи кучига бўлган талаб ва унинг таклифини ўрганиш ва ишсизларни ижтимоий ҳимоя қилиш борасида диққатга сазовор ишлар амалга оширилмоқда.
Ижтимоий ҳимоя соҳаси давлат юритадиган ижтимоий сиёсатнинг ва меҳнат муносабатларининг энг муҳим таркибий қисмларидан биридир. Оммавий ишсизликка йўл қўймаслик, уни олдини олиш тизими тўғрисида ғамҳўрлик қилиш ижтимоий ҳимоянинг энг эътиборли томони ҳисобланади. Бу тадбирлар орасида анча муҳими жамиятнинг ҳар бир аъзоси учун иш билан бандлик соҳасидаги ўз ўрнини ҳақиқатан ҳам эркин танлашга, иш кучининг ижтимоий-касбий харакатчанлигини оширишга, унинг юксак
рақобатбардошлигини шакллантиришга давлатнинг ҳар томонлама ёрдам кўрсатишидир.
Мамлакатимизда ўтказилаётган барча ислоҳотларнинг пировард мақсади – инсон ҳаёти ва фаолияти учун муносиб шарт-шароит яратиш мақсади билан боғланган.
Умуман, аҳоли бандлиги соҳасида иқтисодиётни модернизациялаш, аҳолининг меҳнат мотивини ривожлантириш билан изоҳланадиган ижобий тенденциялар рўй бермоқда ва чуқурлашиб бормоқда.

Таянч тушунчалар

Ишсизлик мақоми, ишсизлик нафақасини тўлаш тартиби, давлатнинг бандлик жамғармаси, бандлик дастури, таркибий ўзгаришлар, давлатнинг ишчи кучи бозоридаги сиёсати, иш билан бандлик модели, иш билан таъминлаш стратегияси, ижтимоий ҳимоя.