Тошкент давлат иқтисодиёт университети т. М. Зияев, Ш. Т. Исроилова, Д. Т.ЁҚУб олий таълимнинг

ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИ

ТОШКЕНТ ДАВЛАТ ИҚТИСОДИЁТ УНИВЕРСИТЕТИ


Т.М.ЗИЯЕВ, Ш.Т.ИСРОИЛОВА, Д.Т.ЁҚУБ


Олий таълимнинг
5 А 340101 – «Иқтисодий назария» магистратура мутахассислиги талабалари учун


«ИШЧИ КУЧИ ВА БАНДЛИК НАЗАРИЯЛАРИ»
фанидан




Ўзбекистон Республикаси Олий ва ўрта махсус таълим вазирлиги томонидан ўқув қўлланма сифатида тавсия этилган


ТОШКЕНТ – 2011

Зияев Т.М., Исроилова Ш.Т., Ёқуб Д.Т. Ишчи кучи ва бандлик назарияси: Ўқув қўлланма. –Т.: ТДИУ, 2011. -254 б.
Ушбу қўлланма Ўзбекистон Республикаси олий ва ўрта махсус таълим вазирлиги томонидан тасдиқланган “Ишчи кучи ва бандлик назариялари” фани бўйича 5А340101 “Иқтисодиёт назарияси” магистратура мутахассислиги талабалари учун мўлжалланган намунавий ва ишчи ўқув дастурлари, Ўзбекистон Республикаси кадрлар тайёрлаш миллий дастури ҳамда давлат таълим стандарти асосида тайёрланган.
Ўқув қўлланмада инсон ва жамият фаолиятининг негизи бўлган ишчи кучи тўғрисида тасаввур берадиган ишлаб чиқариш соҳасидаги асосий ижтимоий – иқтисодий категориялар ва тушунчаларнинг назарий мазмуни таҳлил қилиниб, иш билан бандлик ва ишчи кучи бозорининг моҳияти очиб берилган ҳолда ишчи кучини такрор ишлаб чиқариш масалалари кўриб чиқилган.
Ўқув қўлланма мазмунини баён этишда Республика Президенти И.А.Каримов асарларидан, Республика қонунлари ва бошқа меъёрий хужжатлардан кейинги йилларда мамлакатимизда нашр этилган дарслик ҳамда ўқув қўлланмалардан фойдаланилган. Шунингдек, унинг илмий ва амалий жиҳатдан мукаммалик даражасини ошириш мақсадида кўплаб монографиялар, диссертация ва авторефератлар, Республика ҳаётига оид статистик материаллардан кенг фойдаланилган.
Қўлланма биринчи навбатда Олий ва ўрта – махсус ўқув юртларида “Иқтисодиёт назарияси” фанидан дарс берувчи ўқитувчилар, аспирант, магистратура ва бакалаврият талабалари, малака ошириш институти тингловчилари учун мўлжалланган бўлиб, шунингдек ундан бу фан билан қизиқувчи китобхонлар фойдаланиши мумкин.