Tkti-2020. 5-маъруза. Махсус фанларни ўқитиш методлари ва шакллари

5) SWOT–таҳлил
Техник йўналишдаги мутахассислик фанларини ўқитишда ўрганилаётган объектларни ҳар тарафлама таҳлил қилиш учун қўлланилади. Бу органайзер талабаларда тизимли мушоҳада қилиш, таққослаш, солиштириш, таҳлил қилиш кўникмаларини ривожлантиради.
SWOT атамаси инглизча сўзларнинг бош ҳарфларидан олинган:
Strengths – объектнинг кучли жиҳати, ички имкониятлари;
Weakness – кучсиз жиҳати, ички зиддиятлари;
Opportunities – имкониятлари, ташқи имкониятлари;
Threats – хавфли жиҳатлари, ташқи хавф-хатарлар.

Масалан, қуйида “Электрон таълим” бўйича SWOT ни кўриб чиқамиз:

Strengths
- талаба хоҳлаган вақтда, хоҳлаган жойда таълим олиши мумкин;
- тезкор ва самарали замонавий ахборот технологияларидан фойдаланилади;
- кундузги таълимга нисбатан арзон;
- талабага мослашувчан тизим, талаба ўзи учун керакли билимни олади, танлаш имконияти кенг;
- дарсга қатнашиш, коммунал харажатлар, аудитория таъминоти шарт эмас;
- таълим ёт унсурлардан ҳоли бўлади (тарбиявий ишлар, мажлислар, пахта терими, ҳашарлар, мажбурий обуна, кийиниш, ташқи кўриниш ва ҳ.к.);
- барча маълумотлар базада сақланади.
Weakness
- жонли контакт учрашувлар бўлмайди;
- талаба ўз шахсий қурилмасидан фойдаланади;
- талабадан юқори рақамли саводхонликни талаб этади, ҳамма учун ҳам тўғри келавермайди;
- талаба жонли ҳаётда эмас виртуал оламда ўқийди;
- тез ўзгарувчан.
Opportunities
- келажак таълими ҳисобланади;
- билим олиш имкониятларини кескин кенгайтириб юборади;
- ёшлар тез ўзлаштириб олади;
- талабада 21-аср кўникмаларини, рақамли саводхонликни оширади;
- доим такомиллашиб боради.
Threats
- тармоқ хавф-хатарлари мавжуд;
- талаб кучли қўйилмаганлиги ва эътиборсизлик сабабли кўпчилик ўқишни охиригача етказа олмайди;
- жисмоний ҳаракат чекланганлиги сабабли кўз ва мияни зўриқтиради;