“texnologiya va uni o’qitish metodikasi” fanidan

“Piktogramma” oʻyini. “Piktogramma” 
oʻyinida turli kasb egalarining 
rasmlari tasvirlangan kartochkalar oʻquvchilarga tarqatiladi. Oʻquvchilar 
tasvirlangan rasmdagi kasb egalari toʻgʻrisida maʼlumot berishlari kerak. 
Tasvirlangan kasb nomini, qanday ish bilan shugʻullanishi va qayerlarda ishlashlari 
toʻgʻrisida bilganlarini gapiradi. Oʻquvchilar tomonidan berilgan javoblarni 
oʻqituvchi qoʻshimcha maʼlumotlar bilan toʻldiradi. Agar oʻquvchilar 
kartochkalarda tasvirlangan kasb egalarining nomlarini topmasa bu kartochka 
boshqa oʻquvchiga beriladi. Oʻyin shu tariqa davom ettiriladi.

---

193 
“Moʻjizalar maydoni” oʻyini. “Moʻjizalar maydoni” 
oʻyinida kasb 
nomlaridagi harflar sonini hisobga olib qogʻozga katakchalar chiziladi. Oʻylangan 
kasb nomi shu katakchalar soniga teng kelishi kerak. Oʻquvchilar katakchalarning 
soniga qarab harflarni aytishadi. Oʻqituvchi oʻquvchilar aytgan harflarni 
katakchalarda borligini koʻrsatadi. Keyin oʻquvchilar qolgan harflarni ham aytib 
oʻtishadi. Oxirida oʻquvchilar kasb nomini topishadi.
“Ha-yoʻq” oʻyini. “Ha-yoʻq” 
oʻyinida oʻqituvchi turli kasb nomlarini 
qogʻozga yozadi. Oʻquvchilar qogʻozda yozilgan kasblarni nima ish qilishlari, 
qayerlarda ishlashlari, nima bilan shugʻullanishlari toʻgʻrisida savollar beradi. 
Oʻqituvchi oʻquvchilarning javoblariga qarab toʻgʻri topgan boʻlsa “ha” deb, 
notoʻgʻri topgan boʻlsa “yoʻq” deb javob beradi. Oʻquvchilar aniq bir yoʻnalishni 
topgandan soʻng shu yoʻnalish boʻyicha savollarni davom ettirishadi. Natijada 
oʻquvchilar kasb nomlarini topishadi.
“Mimika rollar” oʻyini. “Mimika rollar” 
oʻyini oʻqituvchi oʻquvchilarga 
kasb egalarining ish jarayonlaridan gapirmasdan lavhalar koʻrsatadi. Oʻquvchilar 
oʻqituvchining harakatiga qarab kasb nomlarini topadilar.