“texnologiya va uni o’qitish metodikasi” fanidan

Turli asboblardan foydalanishda texnika xavfsizligi qoidalari:
Qaychidan foydalanish qoidalari
1. Qaychini belgilangan joyda, belgilangan holatda saqlang.
2. Qaychining uchini yuqoriga qilib ushlamang.
3. Qaychini ochiq holda qoldirmang.
4. Qaychini yurib turganingizda ishlatmang.
5. Qaychini faqat yopilgan holda uchidan ushlab oʻrtogʻingizga uzating.
6. Qaychini ushlatayotganda kesilishning yoʻnalishi va materialni ushlab 
turgan chap qoʻl barmoqlarini kuzatib turing.
7. Yaroqsiz qaychini ishlatmang, uni oʻqituvchiga topshiring.
Bigizdan foydalanish qoidalari
1. Bigizni oʻrinsiz ishlatmang.
2. Sirti silliq, sirgʻanchiq qattiq predmetlarni bigiz bilan teshmang.
3. Teshiladigan predmetni qoʻlingizda ushlamang, uni stol, taglik ustiga 
qoʻyib teshing.
Pichoq bilan ishlash qoidalari
1. Uchi yumaloq pichoqdan foydalaning.
2. Pichoqni oʻqituvchi koʻrsatganidek ishlating, kesganda qattiq bosmang.

---

190 
Nina bilan ishlash qoidalari. 
1. Ninani ishlatib boʻlgach, maxsus nina qadaydigan yostiqchaga sanchib 
qoʻying.
2. Ninani hech qachon ogʻzingizga olmang.
3. Ortiqcha ninalarni ignadonda quruq holatda saqlang.
4. Ishdan oldin va ishdan keyin ninalarni sanab koʻring, yoʻqolgan boʻlsa 
yoʻqolgan ninalarni albatta toping.
5. Qogʻoz va kartondan narsalarni yasaganda birinchi teshikni albatta bigiz 
bilan teshib oling.
Koʻrilgan choralarga qaramay sinfda baxtsiz hodisa roʻy bersa, oʻqituvchi 
birinchi yordamni koʻrsatishi va maktab vrachini chaqirishi lozim. Ish xonasida 
yod, bint solingan aptechka boʻlishi shart.
 
2 – seminar mashgʻulot 
Mutafakkirlar merosida mehnat tarbiyasi 
Reja:
1. Mutafakkirlarning texnologiya fanini tarbiyasi toʻgʻrisidagi fikrlari.
2. Kasb-hunarga yoʻnaltirishga oid oʻyinlarni tashkil etish.
3. Tarbiyaviy tadbir rejasini ishlab chiqish.
Seminar mashgʻulotning maqsadi: Mutafakkirlar merosini oʻrganish. Kasb-
hunarga oid oʻyinlarni tashkil etish. Mutafakkirlar merosidan foydalanib tadbirlar 
rejasini ishlab chiqish.
Pedagogik vazifalar:
• talabalarning tarbiyaviy tadbirlar haqidagi bilimlarini aniqlash va 
maʼlumotlar berish;
• mutafakkirlar merosida texnologiya fanini tarbiyasi toʻgʻrisida maʼlumot 
berish;
• kasb-hunarga yoʻnaltirishga oid oʻyinlarni tashkil etish;
• mutafakkirlar merosidan foydalanib tadbirlar rejasini ishlab chiqish.

---

191 
Taʼlim usullari: Tushuntirish, “Aqliy hujum”, seminar ish, koʻrgazmalilik.
Taʼlim vositalari: Metodik qoʻllanmalar, tadbirlar rejasi, slaydlar, 
koʻrgazmalar, gazetalar.
Mashgʻulotni boshlashdan oldin oʻquvchilarning bilimlarini aniqlash va 
fikrlarini umumlashtirish uchun “Aqliy hujum” metodi asosida savollar beriladi.
1. Tarbiyaviy tadbirlarni tashkil etishdan maqsad nima?
2. Tarbiyaviy tadbirlarni tashkil etish shakllari qanday?
3. Mutafakkirlar texnologiya fanini tarbiyasi toʻgʻrisida qanday fikrlar 
aytishgan?
4. Mutafakkirlar merosidan foydalanib tarbiyaviy tadbirlarni tashkil 
etishning ahamiyati nimada?
5. Mutafakkirlar merosidan foydalanib qanday tarbiyaviy tadbirlarni tashkil 
etish mumkin?