Termiz davlat universiteti sport boshqaruvi kafedrasi jismoniy madaniyat nazariyasi va metodikasi

O‘tish davridagi mikrosikllar o‘zining qat’iy aniqligi bilan farq qilmaydi. Ular faol dam olishning asosiy vosita sifatidagi faoliyat rejimiga moslab tuziladi. Misol uchun, ko‘p kunlik turistik poxodning rejimi mikrosikllar uchun asos bo‘lishi mumkin. Sportchilar o‘zini qanday his qilishiga qarab, mashg‘ulot va dam olish kunlarining soni shunday belgilanadi-ki, unda har kim o‘z kuch-quvvatining uzluksiz oshib borayotganini xis etsin. Obrazli qilib aytganda, sportchi o‘tish davrining oxirida tanlangan sport turi bo‘yicha yangi-yangi yuksak marralarni shturm qilishga g‘oyat kuchli orzu, intilish his etishi kerak.
Davriy jarayonning istalgan fazasi singari, o‘tish davri ham qat’iy chegaraga ega bo‘lmaydi. Organizmning funksional va adaptatsion imkoniyatlari tiklana borgan sari u navbatdagi siklning tayyorlov davriga o‘tib boradi.
Agar sportchi tayyorlov davrida yetarli darajada yuksak yuklamalar olmagan bo‘lsa, ya’ni yetarli darajada tez - tez masho‘ulot qilmagan, musobaqalar va shunga o‘xshash tadbirlarda kam qatnash-gan bo‘lsa, u holda o‘tish davri zarur bo‘lmay qoladi. Bunday hollarda mashg‘ulot jarayonini ikkilangan sikl tipida, ya’ni musobaqa davridan keyin ikkinchi tayyorlov davri, so‘ngara esa ikkinchi musobaqa davri va faqat uning ketidangina o‘tish davri boshlanadigan qilib tashkil etgan ma’qul. Yarim yillik sikllardan foydalanayotgan paytdagi ayrim hollarda ham mashg‘ulotning bunday tuzilishi to‘g‘ri bo‘ladi.


Nazorat savollari.
1. Standart va o‘zgaruvchan yuklama uslublariga ta’rif bering.
2. Musobaqa mashq texnikasini yaxshilash uchun siz o‘rgatishning qaysi usullaridan (to‘laligicha yoki qismlar bo‘yicha) foydalanyapsiz, nima uchun?
3. Harakat ko‘rgazmaliligi uslubi. Siz qaysi holatda undan foyda-lanasiz.
4. Mashq mashg‘ulotlari jarayonida sportchi faoliyatini
5. Murabbiy qaysi holatlarda taqlid, ogohlantirish va baxolash metodalrini qo‘llaydi?
6. Moslashtirilgan (sekin bajarish) ko‘rsatish uslubini qo‘llashda nima ko‘zda tutiladi.
7. Sport mashg‘uloti qaysi xolatlarida siz videoyozuvdan foyda-lanasiz?
8. Sport mashg‘ulotida siz ovoz beruvchi moslamadan foydalanganmisiz? Agar foydalangan bo‘lsangiz qaysi holatda? Eslashga urinib ko‘ring?