Tasdiqlayman” O‘quv ishlari bo‘yicha prorektor X. Sh. Kadirov ” ” 2022-yil boshlang’ich ta’limfakulteti “Jismoniy tarbiya va sport”kafedrasi

Qarorlarning bajarilishini nazorat qilish.
Qarorlarning bajarilishi, asosan, yo’nalishni belgilashdan iborat bo‘lib, ular:
1.O‘zbekiston Prezidentining Farmonlari, Vazirlar Mahkamasining qarorlari.
2.O‘zbekiston Respublikasi Madaniyat va sport ishlari Vazirligining chiqargan qarorlaridan iborat.
Bular asosan sport jamiyatlari, jismoniy tarbiya va sportni boshqarish bilan bog‘liq bo’lgan Xalq ta’limi vazirligi, oliy va o‘rta maxsus ta’lim tizimlariga tegishlidir.
Davlat jismoniy trabiya va sport qo’mitasi uchun Prezident farmonlari va Vazirlar Mahkamasi qarorlarining amalga oshirilishi hamda Vazirlikning o’zi qabul qilgan qarorlarning ijrosini nazorat qilish asosiy tashkilotchilik va boshqaruvchilik faoliyatidir.
O‘zbekiston mustaqilligi sharoitida olib borilayotgan turli islohotlar, qonunlar va qarorlarning ijrosini nazorat qilish bo’yicha O‘zbekiston Respublikasi Prezidenti devoni tarkibida hamda O‘zbekiston Respublikasi Vazirlar Mahkamasi qoshida maxsus nazorat komissiyalari tashkil etilgan. Ularning faoliyati barcha davlat idoralari va jamoat tashkilotlarining tashkiliy tuzilishida aks ettirilgan. Shu asosda har bir idora va tashkilot tarkibida, shuningdek, O‘zbekiston Respublikasi Madaniyat va sport ishlari Vazirligida ham qarorlarning ijrosini nazorat qiluvchi, tekshiruvchi xodimlar faoliyat ko’rsatadi. Eng muhimi shundaki, har bir idora, tashkilot va ularning boshqarmalari, bo’limlari o’z sohalari bo’yicha qarorlarning ijrosini kuzatish, nazorat qilish, tekshirish huquqlariga egadir. Shu sababdan Madaniyat va sport ishlari Vazirligi o’zining maxsus bo’limlari, xodimlariga tayangan holda nazorat qiluvchi va tekshiruvchi komissiyalar tuzadi. Ularga asosiy yo’l-yo’riqlar ko’rsatadi va komissiya xulosalarini odilona tahlil qilib, tegishli xulosa chiqaradi. Bu jihatlar sport jamiyatlari kengashlari,sport turlari bo’yicha uyushmalar, sport klublari tomonidan ham olib boriladi.
Jismoniy tarbiya va sport to‘g‘risida»gi Qonun va boshqa qarorlarning bajarilishini nazorat qilishdagi asosiy vazifalar
O‘zbekiston Respublikasining «Jismoniy tarbiya va sport to‘g‘risida»gi qonuni 27 moddadan iborat bo‘lib, unda turli masalalar mazmun topgan. Ularning tarkibida O‘zbekiston Respublikasi Madaniyat va sport ishlari vazirligi bilan muvofiq ravishda faoliyat ko’rsatish zarur bo’lgan sport jamiyatlari, uyushmalari ko’rsatilgan hamda Sog‘liqni saqlash, Xalq ta’limi, Oliy va o‘rta maxsus ta’lim va boshqa vazirliklar, turli jamoat tashkilotlariga ushbu qonunni bajarish yuklatilganligi qayd etilgan. Shu asosda O‘zbekiston Respublikasi madaniyat va sport ishlari vazirligi eng avvalo o’ziga yuklatilgan vazifa, burch va huquqlarning bajarilishini ta’minlaydi, keyingi navbatda esa yuqorida qayd etilgan mutasaddi idoralar, turli tashkilotlarning qonunni amalga oshirishdagi faoliyatlarini nazorat qilib boradi. Nazoratlar asosan quyidagi shakllarda namoyon bo’ladi:
1. Respublika sport tashkilotlari, turli idoralari va o’quv yurtlaridagi jismoniy tarbiya va sport mutaxassislarining yig‘ilishi (faollar yig‘ilishi).
2. Respublika viloyat va tuman sport jamiyatlarining anjumanlari (konferensiya, faollar yig‘ilishi).
3. Respublika, viloyat sport bo‘limlari hamda sport jamiyatlari Kengashlarining kollegiya, hay’at (prezidium) majlislarida qonun ijrosi haqidagi hisobotlar.
4. Maxsus tuzilgan komissiyalarni joylarga safarbar etish va qonun hamda qarorlarning hayotga singdirilishini o’rganish, ma’lumotnomalar tayyorlash.
5. Telefonlar orqali aloqa bog‘lab turish, qonun va qarorlar ijrosi haqida ma’lumotlar olish.
YUqorida ta’kidlanganidek, qonunda juda ko’p sohalar va masalalar qayd etilgan. Ularning sohalar bo’yicha bajarilishini nazorat qilib borish juda murakkab faoliyat hisoblanadi. Shu sababdan quyi tashkilotlardan yozma hisobotlar yig‘ishi, komissiyalar xulosasiga tayanish, ular amalga oshirayotgan tadbirlarni kuzatish va boshqa ko’p yo’llar bilan nazorat ishlarini olib borish mumkin.
O‘zbekiston Respublikasi Vazirlar Mahkamasining futbol, kurash, badiiy gimnastika, sinxron suzish va boshqa sport turlarini rivojlantirish, «O‘zbekistonda jismoniy tarbiya va sportni yanada rivojlantirish chora tadbirlari to‘g‘risida» va boshqa qarorlarning bajarilishini nazorat qilish bo’yicha O‘zbekiston Respublikasi Madaniyat va sport ishlari Vazirligi bir qator tadbirlar belgiladi va vazifalarni ishlab chiqdi.