«tasdiqlayman» mchj «Uz-Kor Gas Chemical» qk va uning tasarrufidagi ob

MCHJ «Uz-Kor Gas Chemical» QK va
uning tasrufidagi obyektlari binolarida
YXTTEB inspektorlari
katta leytenant M.Djumanazarov
MCHJ «Uz-Kor Gas Chemical» QK va uning
tasrufidagi obyektlari binolarida
YXTTEB inspektorlari
katta leytenant M.Tolebaev

«TASDIQLAYMAN» MCHJ «Uz-Kor Gas Chemical» QK va uning tasarrufidagi obyektlari binolarida yong’in xavfsizligini ta’minlashni tashkil etish bo‘limi boshlig‘i mayor O’.K.Jumatov «____»______________2022 yil

REJA-KONSPEKT


MAVZU 8: Olovli ishlarni bajarishning o’ziga xos jihatlari.

Оловли ишлар қаторига очиқ олов, учқун чиқариш, маълум ҳароратгача қиздириш туфайли материаллар ва конструкцияларнинг алангаланиб кетишига сабаб бўладиган ишлаб чиқариш операциялари (электр пайвандлаш, бензинли кескич билан кесиш, кавшарлаш ишлари, учқун чиқариб металга ишлов бериш ва бошқ.) киради.

Ишлаб турган портлашдан хавфли, портлаш-ёнғиндан хавфли ва ёнғиндан хавфли объектларда оловли ва бошқа ишларни, ушбу мақсадлар учун махсус ажратилган жойда ўтказиш имкони бўлмаганда ҳамда мазкур ҳаракатлар портлаш, ёнғин, технологик регламентнинг бузилишга хавф туғдирмайдиган шароитлардагина, ўтказишга рухсат этилади.
Портлашдан, портлаш-ёнғиндан ва ёнғиндан хавфли объектларда оловли ишларни фақат кундуз кунлари (авария ҳолатлари бундан мустасно) ўтказиш лозим.
Оловли ишларни бажаришга махсус касбий тайёргарликдан ўтиб, имтиҳон топширган, тегишли ихтисос эгаси бўлганлиги ҳақида гувоҳнома олган ҳамда корхонада белгиланган тартиб бўйича ёнғин хавфсизлиги талабларига оид билимлари текширилиб, махсус талон (17-илова) олган шахслар тайинланадилар.
Оловли ишлар корхона бўйича ёнғин ҳимояси хизмати ва меҳнат муҳофазаси бўлими билан келишиб олинган рухсатнома борлигида оловли ишларни ўтказиш жойлари ҳамда ҳаво таҳлили учун намуна олингандан кейин ўтказилади.
Ёнувчи газлар, буғлар сизиб чиқиши эҳтимоли бор портлашдан хавфли, портлаш-ёнғиндан хавфли ва ёнғиндан хавфли жойларда оловли ишларни бажараётганда, урганда (ишлатганда) учқун чиқармайдиган материаллардан ясалган асбоблардан фойдаланиш лозим.
Оловли ишлар ўтказилаётган пайтда ҳаво муҳитининг ҳолати (айниқса иш жойидаги)ни доимий равишда текшириб туриш зарур.
Оловли ишлар ўтказилаётган жойлар бирламчи ўт ўчириш воситалари билан таъминланган бўлиши керак. Ички сув тармоғи (водопровод тизими) бўлганда оловли ишлар бажарилаётган жойга стволли ўт ўчириш шлангларини олиб келиш лозим.
Доимий оловли ишлар ўтказиладиган жойлар портлаш-ёнғиндан хавфли бинолардан камида 40 m, ёнувчи ва тез алангаланадиган суюқликлар солинган сиғимлар омборидан камида 100 m, газ сизиб чиқиши ва тўпланиши мумкин бўлган баллонлар омбори, канализация қудуқлари, зулфинлар узелидан камида 20 m нарида бўлиши шарт.
Ускуналар ва ашёларнинг ёнадиган конструкцияларини электр пайвандлаш учқунларидан ҳимоялаш учун бинодаги ва очиқ майдончалардаги иш жойларини доимий ёки кўчма шчитлар билан тўсиш, ёнадиган полларни металл тунукалар билан қоплаш зарур.
Таъмирлаш-монтаж ишлари якунлангандан кейин бино (хона)да кислородли ва ёнувчи газли баллонларни қолдириш тақиқланади. Уларни доимий сақланадиган жойига жўнатиш (юбориш) лозим.
Таъмирлаш ишлари туфайли аппаратлар ва ўтказгич қувурларда бузилган ҳимоялаш қопламасини тиклаш зарур.
Пайвандлаш ва бошқа турдаги оловли ишларни ўтказишда хавфсизликни таъминлашга доир ишларни ташкил қилиш бўйича жавобгарлик корхона раҳбари зиммасига юкланади.
Бино, цех ёки хона бўйича ёнғин хавфсизлигини таъминловчи жавобгар шахс оловли ёки бошқа ёнғиндан хавфли ишлар ўтказилган жойларни иш тугаллангандан уч-беш соат давомида обдан текширувдан ўтказиши керак.