Tadqiqotlari

1.5. Marketing tadqiqotlariining metodologik asoslari
 
 
 
Marketing  tadqiqotlari  ilmiy  bilish  umumiy  jarayonining  tarkibiy  qismi 
hisoblanadi.  Marketing  tadqiqotida  o‘z  metodologiyasi,  ya’ni  marketing  jarayonlari 
va  hodisalarini  o‘rganishning  usullari  va  qoidalari  yig‘indisi  vujudga  kelgan. 
Metodologiya  marketingda  axborot  to‘plash,  ishlab  chiqish,  tahlil  qilish  va  bashorat 
qilishning  ilmiy  asoslangan  tartibini  belgilab  beradi.  Marketing  tadqiqoti  uslubiyati 
asosida  muayyan  uslubiyatlar,  ya’ni  marketing  hodisalari  va  jarayonlarini  baholash, 
o‘rganish, modellashtirish va bashorat qilish usullari yig‘indisi shakllanadi. 
Marketing tadqiqoti  metodologiyasining umumilmiy asoslari quyidagilarni o‘z 
ichiga oladi: bozor  vaziyatini keng doiral sabab-oqibat aloqalariga tadqiqotlar  uchun 
ob’ekt  sifatida  ko‘rib  chiqishga  imkon  beradigan  tizimli  tahlil;  bozorni  tashkil 
qiluvchi  xilma-xil  elementlar  yig‘indisini  ham,  bozor  faoliyatini  ham  tadqiq  etish 
imkoniyatini  ta’minlaydigan  kompleksli  yondashuv;  bozor  holati  va  rivojlanishini 
strategik  va  tezkor  o‘rganishni  ishlab  chiqish  va  amalga  oshirishda  foydalaniladigan 
dasturiy-maqsadli rejalashtirish. 

---

 
39