Tadbiqiy mexanika

10.3-rasm

a) Sinov uchun namuna b) yemirilish xarakteri



10.4 - rasm

Mo‘rt materialning siqilish diagrammasi

A - sinovgacha namuna ko‘ndalang kesimning yuzasi.

Yog‘och namunalarni siqilishga sinash. Yog‘och anizotropik materiallar turiga kirib, tashqi kuch ta’siriga hamma yo‘nalishlari bo‘yicha turlicha qarshilik ko‘rsatadi. Yog‘och materiallarining tuzilishi tolasimon strukturaga ega bo‘lgani uchun, u tolalariga tik va tolalariga parallel yo‘nalishdagi yuklarga turlicha qarshilik ko‘rsatadi.

Sinalayotgan namuna kubik shaklida tayyorlanib, siqilishga ikkita yo‘nalish bo‘yicha sinaladi. SHuning uchun bir xil o‘lchamda ikkita yog‘och kubiklar tayyorlanadi.

a) Tolalar bo‘yicha siqilishga sinash

Namunaning tajribadan oldingi holati va siquvchi kuch yo‘nalishi 10.5a-rasm da ko‘rsatilgan.

Namuna o‘lchamlari shtangentsirkul yordamida o‘lchab olingandan so‘ng pressga qo‘yilib, statik ravishda yuklanadi. Tolalarga parallel yo‘nalishda siqilganda namuna kamroq deformatsiyalanadi.