Statik biokimyо

b)

 

oqsil miqdorini aniqlash.

 

 

Ishning bajarilishi:

  

 

1  ml  qon  zardobi  yoki1  ml  gemolimfa  1  %  NaCl  eritmasi  bilan  10  marta  suyultiriladi. 

Probirkaga  1  ml  suyultirilgan  eritmadan  olib,  unga  8  ml  biuret  reaktivi  qo‘shilib,  yaxshilab 

aralashtiriladi  va  30  minutcha  tinch  qoldiriladi  so‘ngra  1  ml  kyuvetada  540  nm  da  kontrolga 

qarshi  fotometrlanadi.  Tekshirilayotgan  manbadagi  oqsil  miqdori  kalibrlash  grafigidan 

foydalanib, suyultirish darajasini e’tiborga olgan holda topiladi.

  

 

 

---

24-tajriba.  Oddiy  oqsillarni gidroliz qilish  

 

Murakkab polimer moddalarning suv biriktirib olish yo‘li bilan parchalanishi gidroliz deb 

ataladi.  Qo‘llaniladigan  katalizatorga  qarab  gidroliz  kislotali,  ishqoriy  va  fermentativ  bo‘lishi 

mumkin. Oddiy oqsillar gidrolizlanganda faqat aminokislotalar hosil bo‘ladi. 

 

 Laboratoriya  sharoitida  ko‘pincha  oqsillarni  kislotali  gidroliz  qilish  usuli  keng 

qo‘llaniladi. Lekin bu vaqtda triptofan to‘la, serin, treonin, tsistein, tirozin va fenilalanin qisman 

parchalanadi.  Shunga  qaramasdan,  parchalangan  aminokislotalarning  foiz  miqdori  kam 

bo‘lganligi  uchun  asosan  kislotali  gidroliz  usulidan  foydalaniladi.  Ishqoriy  gidroliz  vaqtida 

ko‘pchilik aminokislotalar parchalanadi-yu, faqat triptofan deyarli o‘zgarishsiz qoladi. Shuning 

uchun ishqoriy gidroliz oqsil molekulasidagi triptofan miqdorini  aniqlash uchun qo‘llaniladi. 

 

Kislotali  gidroliz  vaqtida  oqsillar  avvalo  yuqori  molekulyar  peptidlarga,  so‘ngra  kichik 

molekulali peptidlarga va nihoyat erkin aminokislotalargacha parchalanadi.  

 

Oqsilni  to‘la  gidroliz  qilish  uchun  havo  sovitgichi  bilan  jihozlangan  kolbachada  yoki 

og‘zi zich berkitilgan ampulalarda xlorid, sulfat kislota ishtirokida olib boriladi.