Sportda matematika

 
Ўқув фаннинг мақсади ва вазифалари 
1. Анатомия фани тиббиётнинг назарий асосини ташкил қилади, одам организмининг 
тузилиш ва ривожланиш қонуниятларини унинг функсиялари ҳамда ташқи мухит таъсироти 
натижасидаги ўзгаришлари билан узвий боғлиқ холда ўрганади. 
2. Анатомия фаннинг асосий мақсади инсон танасининг фақат биологик қонуниятларинигина 
ўрганиш билан чекланмайди, балки жисмоний фаолиятни инсон танасининг макро - ва 
микроструктурасига таъсири текширилади, унинг филогенетик ва онтогенетик ривожланиши 
билан узвий боғлиқ холда ўрганилади. 
Фаннинг асосий вазифалари. 
А) Организм тузилишини турли структур даражалари юзасидан чуқур билим бериш. 
Б) Талабаларнинг умумбиологик ва назарий тайёргарлигини ошириш, хамда физиология, 
психология, биохимия, спорт тиббиёти, даволовчи жисмоний тарбия назарияси каби 
фанларни ўрганиш учун замин яратиш ва бу фанларни асос яратувчи билимларини бериш. 
В) Ёшга боғлиқ холда конститусионал ва спорт морфологияси асосларини ўргатиш, суяклар, 
бўғимлар, мушаклар, ички аъзолар проексияларини аниқлай билиш билан бирга амалиётда 
қўлланадиган антропометрия, соматометрия, соматоскопия усулларини ўргатади. 
Жисмоний тарбия муаммоларини хал этишни вазифа қилиб олган холда, анатомия ва 
динамик анатомия фанлари спорт ориентасияси ва танловини ўтказиш, ўқув-машқ 
жараёнларини тўғри режалаштириш, жисмоний ривожланишга бахо бериш ва патологик 
ўзгаришлар келиб чиқишининг олдини олиш тадбирларини белгилаш ва қўлланилишида 
муҳим асосдир. Кўп йиллар давомида анатомия кафедраси ходимлари томонидан спорт 
устозлари орасида ўтказилган сўровномалар асосида назарий томондан муҳим ахамиятга эга 
бўлган мавзулар ажратилган. Бу мавзуларга таянч - харакат аппарати тузилиши ва 

---

23 
функсиялари билан боғлиқ бўлган билимлар, умумий жисмоний ишчанлигинини 
таъминловчи аероб тизимини ташкил этувчи тизимларини тузилиш хусусиятлари, 
харакатларни идора этувчи нерв ва гуморал тизимларнинг тузилиш хусусиятлари каби 
мавзулар кўрсатилган. Жисмоний юкламаларга мускул ва суяк тизимларини мосланиш 
асослари ва морфологик мезонлар асосида спорт танловини ўтказиш, спорт амалиётида кенг 
тарқалган сиклик, асиклик ва айланма харакатларни нафакат таянч-харакат аппаратини 
иштироки, балки танага таъсир этувчи ташки ва ички кучлар таъсири хисобга олинган холда 
тахлил қилиш динамик анатомия ва спорт морфология бўлимларида баён этилган. 
Тиббий - биологик кафедралардаги ўқув дастурларидаги мавзуларни таққослаш натижасида 
баъзи мавзуларни такрор қайтарилиши бартараф этилди, дастурларда, масалан, анатомиядан 
бир бўлим бўйича тизимни морфологияси берилса, физиология, биохимия ёки спорт 
тиббиёти фанларидан ушбу тизимга тегишли хусусиятлари тўлиқ, фундаментал асосда 
тахлил қилинган. Демак, ўқув дастурларида узвийлик принсипига хам алохида эътибор 
берилган.