Sport maktablari faoliyatini hamda sport maktablari trenyerlari va mutaxassislari mehnatini moddiy

VIII. Sport maktabini boshqarish

56.  Sport  maktabini  boshqarish  ushbu  Nizomga  va  O‘zbekiston  Respublikasi  qonun  hujjatlariga,  sport  maktabining  ustaviga

muvofiq  hamda  yakka  boshchilik,  demokratiya,  o‘zini  o‘zi  boshqarish  va  oshkoralik  tamoyillarini  uyg‘unlashtirish  asosida  amalga

oshiriladi.

57.  Sport  maktabiga  qonun  hujjatlarida  belgilangan  tartibda  muassis  tomonidan  lavozimga  tayinlanadigan  va  lavozimdan  ozod

etiladigan direktor boshchilik qiladi.

Oldingi tahrirga qarang.

Shuningdek,  sport  maktabi  direktori  lavozimiga  oliy  ma’lumotga  ega  bo‘lgan,  oldingi  kasb  faoliyatidan  qat’i  nazar  boshqaruv

tajribasiga ega bo‘lgan shaxslar tayinlanishi mumkin.

(57-bandning  ikkinchi  xatboshisi  O‘zbekiston  Respublikasi  Vazirlar  Mahkamasining  2018-yil  5-iyuldagi  508-sonli  qarori  tahririda  —  Qonun

hujjatlari ma’lumotlari milliy bazasi, 09.07.2018-y., 09/18/508/1477-son)

58.  Direktor  sport  maktabi  ishiga  umumiy  rahbarlik  qiladi,  uning  faoliyati  barcha  yo‘nalishlari  bo‘yicha  to‘liq  javob  beradi,

pedagoglar jamoasi bilan birgalikda sport maktabini rivojlantirishning asosiy yo‘nalishlarini belgilaydi, davlat va jamoat organlarida uning

manfaatlarini ifodalaydi, sport maktabining xo‘jalik faoliyati bilan bog‘liq barcha masalalarni hal etadi, kadrlarni tayinlaydi va joy-joyiga

qo‘yadi, xodimlarni lavozimga tayinlaydi va lavozimdan ozod qiladi.

59.  Sport  maktabi  direktorining  o‘rinbosarlari  sport  maktabi  muassisi  bilan  kelishgan  holda  sport  maktabi  direktori  tomonidan

lavozimga tayinlanadi va lavozimdan ozod qilinadi.

60.  Direktorning  o‘quv  ishlari  bo‘yicha  o‘rinbosari  jismoniy  tarbiya  sohasida  oliy  ma’lumotli  hamda  jismoniy  tarbiya  va  sport

tashkilotlarida kamida uch yil ish stajiga ega bo‘lgan tajribali mutaxassislardan tayinlanadi.

Oldingi tahrirga qarang.

Direktorning o‘quv ishlari bo‘yicha o‘rinbosari o‘quv jarayoni va tarbiyaviy ishlar tashkil etilishi, sport bo‘yicha trener-o‘qituvchilar

malakasi  oshirilishi  uchun  javob  beradi,  sport  maktabida  sport  musobaqalari  o‘tkazilishi  hamda  maktabning  o‘quvchi-sportchilarining

tuman, shahar musobaqalarida va boshqa sport musobaqalarida qatnashishini ta’minlaydi, sportchilarni o‘qitish va ularning mashq qilishi

metodikasini  takomillashtirish  chora-tadbirlarini  ko‘radi,  o‘quv-mashq  mashg‘ulotlari  sifatini,  o‘quv  rejalari  va  mashg‘ulotlar  jadvali

bajarilishini nazorat qiladi.

(60-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT,

2016-y., 43-son, 499-modda)

61.  Direktorning  xo‘jalik  ishlari  bo‘yicha  o‘rinbosari  ma’muriy-xo‘jalik  faoliyati  bo‘yicha  tajribaga  ega  bo‘lgan  mutaxassislardan

tayinlanadi.

Oldingi tahrirga qarang.

Direktorning  xo‘jalik  ishlari  bo‘yicha  o‘rinbosari  o‘quv-mashq  jarayoni  uchun  moddiy-texnik  shart-sharoitlar  yaratilishi,  sport

maktabining mol-mulki, jihozlarining saqlanishi va sozligi, binolar va inshootlardan foydalanish, ularni zarur sanitariya holatida saqlash,

transport ta’minoti va undan foydalanish uchun javob beradi.

(61-bandning ikkinchi xatboshisi O‘zbekiston Respublikasi Vazirlar Mahkamasining 2016-yil 20-oktabrdagi 355-sonli qarori tahririda — O‘R QHT,

2016-y., 43-son, 499-modda)

Oldingi tahrirga qarang.

62. Sport maktabida tashkiliy, tarbiyaviy, sog‘lomlashtirish va metodik ishlarni jismoniy tarbiya bo‘yicha oliy ma’lumotli va kamida

bir yil trener-o‘qituvchilik bo‘yicha ish tajribasiga ega bo‘lgan mutaxassislardan tayinlanadigan instruktor-metodist amalga oshiradi.