Синф раҳбарини ўқувчиларда бадиий қадриятларимизни ўрганишга бўлган қизиқишларини фаоллаштиришнинг педагогик омиллари

Мавзу: Амир Темур хақида
Дарснинг максади:
Таълимий мақсад: Ўқувчиларга Амир Темур ва унинг ҳаёти ҳақида тушунча бериш.
Тарбиявий мақсад: Амир Темур ўгитларининг мазмуни ва моҳиятини ўқувчилар онгига сингдириш.
Ривожлантирувчи мақсад: Ўқувчиларга аждодларимизнинг меросини ўрганиш нақадар муҳимлигини ўргатиш.
Дарснинг услуби: суҳбат, савол-жавоб.
Дарснинг жиҳози: адабиётлар, «Темур тузуклари» китоби,
Дарснинг бориши:
I. Ташкилий қисм.
II. Ўтилган мавзу юзасидан баҳолаш учун саволлар.
1. Наврўзни байрам қилиб ўтказиш қачондан бошланган?
2. Наврўз қандай байрам?
III. Ўтган мавзуни хулосалаш.
Наврўз - Туркистон, Ўрта ва Яқин Шарқда яшовчи ўзбек, озарбайжон, тожик, ҳинд, форс ва бошқа халқларнинг қадимий анъанавий янги йил байрами бўлиб, 21-22 март кунларига тўғри келади. Тарихий манбаларга қараганда Наврўзни байрам қилиб ўтказиш аҳамонийлар давридан бошланган.
Ўзбекистонда 1989 йилдан бошлаб Наврўзни кенг нишонлашга эътибор берилди. 1990 йилдан бошлаб Ўзбекистон ҳукуматининг қарорига биноан 21 март Наврўз миллий халқ байрами сифатида белгиланиб, дам олиш куни деб эълон қилинди.
IV.Янги мавзунинг баёни.
Амир Темур (Ўтрор шаҳрида вафот эттан) йирик давлат арбоби, енгилмас саркарда, ўрта асрда энг катта давлатлардан бирининг раҳбари, жанг санъати ва қонунларини ишлаб чиққан машҳур лашкарбошидир. У ўз кучи, ғайрати ва иродасини чиниқтириш мақсадида 25 ёшгача бир қанча хукмдорлар хизматида бўлган. Бу даврда Мовароуннахр бўлинган, тарқоқлик кучайган, қабилалар ва элатлар ўртасида низолар авжига чиққан эди. Шундай мураккаб вазиятда Амир Темур ҳарбий ва дипломатик қобилияти туфайли Шахрисабз хокими даражасига кўтарилди.
Амир Темур юришларида 20 дан ортиқ мамлакатни забт этди. Олтин Ўрда хони Тўхтамишхонни енгиб, қадимги Русни муғуллар истилосидан қутқаришини осонлаштирди. Туркия султони Боязид Йилдиримни енгиб, Болқон халқларини маълум муддат мустабидликдан сақлаб қолишга сабабчи бўлди.
Амир Темур ўз тасарруфидаги мамлакатларнинг мавжуд бойликларини ишга солиб ўз империясини иқгисодий ва маданий жихатдан юксалган қудратли давлатга айлантирди. Амир Темур ўзининг барча ҳаракатларида, шунингдек бинокорлик соҳасидаги ишларида ҳам сиёсий мақсадларни кўзда тутди.
V. Янги мавзуни хулосалаш учун саволлар
1. Амир Темур қачон, қаерда туғилган?
2. Нима учун миллатимиз фаҳри деймиз?
3. У ўз давлатини мустаҳкамлаш учун нималар қилди?