Sa’dullo Quronov galaktikada bir kun (ilmiy-fantastik qissa) Toshkent «Akademnashr»

MUZOKARA
Direktor zudlik bilan xavfsizlik kengashini chaqirdi. Ken-
gashda «Ko‘kkezar» fazogirlari ham qatnashdi.
– Hozir general Obma bilan gaplashdim, – gap boshladi 
yuzi oqarib, terlab ketgan direktor. – Obma sizlarni unga 
topshirishimni talab qilyapti. Agar uning talabini bajarma-
sam, Koinot muzeyiga hujum qilmoqchi.
– Nega endi?! Biz sizning mahbusingiz emasmiz. Biz 
erkin fazogirlarmiz, – e’tiroz bildira boshladi Margol. – Siz 
qanotni  olib,  bizga  va’da  qilingan  xarita  bo‘lagini  topshi-
ring. Bir daqiqada ko‘zdan g‘oyib bo‘lamiz.
– Xo‘sh, sizlar ketganingizdan keyin-chi? – o‘rnidan tur-
di muzey qo‘shini sarkardasi. – Bizning sayyora bir say-
yohlik markazi, xolos. Katta qo‘shin saqlamaymiz. Qaroq-
chilar o‘n daqiqada muzeyimizni yakson qilib yuboradi.
– Sarkarda to‘g‘ri aytyapti. Bizning boshqa choramiz yo‘q, 
Obma menga 30 daqiqa muhlat bergan, – dedi direktor.
– Qanday qilib? – ajablandi Ahmad. – U 30 daqiqadan 
so‘ng hujumga o‘ta olmaydi. U kichkinagina yulduzlararo 
uchar kema bilan sayyorangizni yakson qilib tashlaydimi?
– Ahmadning gapi to‘g‘ri, – dedi Margol. – Hozir qaroq-
chilar biz salmirliklarning ekspeditsiyalar uchun mo‘ljallan-
gan  kemasida  uchib  yurishibdi.  Ularning  asosiy  kemasi 
800  yorug‘lik  yili  uzoqlikda  joylashgan.  Bu  yergacha  ikki 
oyda yetib kelsa ham katta gap!
– Josuslar bu gapni tasdiqlaydi, janob direktor, – o‘rni-
dan turib dedi boshqa bir harbiy.
– Menimcha, ularni qaroqchilarga topshirsak, juda katta 
xato bo‘ladi, – endi qahramonlarimizga yordam bergan di-
rektor kotibi ham o‘rnidan turdi. – Agar galaktikada Koinot 
muzeyi rahbariyati kelgan mehmonlarni qaroqchilar qo‘liga 
topshiribdi degan gap tarqalsa, hammasi tamom. Bizning 
muzeyga sayyohlar kelmay qo‘yadi. Bankrot bo‘lamiz!

---

123
Bu  gapdan  so‘ng  barcha  majlis  ishtirokchilari  sergak 
tortib qoldi. Haqiqatan ham kotibning e’tirozi juda o‘rinli edi.
– Unda nima qil deysiz? – jahl qildi direktor.
– Bizni qo‘yib yuboring, – Ahmad gap boshladi. – Biz 
to‘g‘ri Miks sayyorasiga uchib, katta qo‘shin bilan qayta-
miz.  Qaroqchilar  o‘zlarining  asosiy  kemalari  bilan  qaytib 
kelgunicha biz Miks qo‘shini bilan himoyalanishga ulgura-
miz.
– Miks qo‘shini bizga yordam berarkanmi? – ishonqira-
madi direktor.
– Yo‘q, ular sizga emas, bizga yordam berishadi. Miks 
qo‘mondoni Dordon har qanday vaziyatda yordamga shay 
ekanini aytgan. U bir so‘zli harbiy.
Ahmadning taklifi bu vaziyatda eng ma’quli edi. Direktor 
ham  muzey,  ham  sayyohlar  manfaatidan  kelib  chiqib  bu 
taklifga ko‘ndi. Ammo ular katta qo‘shin bilan ortga qayt-
maguncha xaritani bermasligi va adolat yuzasidan qanotni 
ham olmasligini aytdi.
«Ko‘kkezar» ekipaji majlis tugashi bilan Miks sayyora-
siga uchib ketdi. Direktor 30 daqiqadan keyin Obma bilan 
bog‘lanib, xotirjam ohangda mehmonlarning qochib ketga-
nini aytdi. Bir kunning o‘zida ikkinchi marotaba chuv tush-
gan Obma sharmandalarcha ortga qaytishga majbur bo‘l-
di. Endi u Koinot muzeyiga qaroqchilarning katta qo‘shini 
bilan qaytishga qasd qilgandi.