Russ nashriyotiga so‘z boshi

  

Sizning taxminlaringiz noto‘g‘ri  

  

Biz hammamiz noto‘g‘ri baho beruvchilarmiz. Biz u yoki bu ishga qancha vaqt 

talab  qilinishini  bilamiz  deb  o‘ylaymiz,  hattoki,  aslida  u  haqda  biror  tushunchaga 

ega bo‘lmasakda. Biz hodisalar rivojini hech qachon hayotda amalga oshmaydigan, 

eng  yaxshi  ssenariy  asosida,  hech  qanday  ushlanib  qolishlarni  hisobga  olmasdan 

taxmin qilamiz.   

Shuning  uchun,  kelgusidagi  hafta,  oy  va  yilga  deb  belgiligan  mo‘ljalingiz, 

hayoldan  boshqa  narsa  emas.  Haqiqatdan  ham  siz  bunchalik  uzoq  vaqt  davomida 

nimalar sodir bo‘lishini shunchaki bilmaysiz.  

Siz  oziq-ovqat  do‘koniga  borish  bir  necha  daqiqa  vaqt  oladi  deb  o‘ylaysizu, 

lekin  u  bir  necha  soatga  cho‘zilishi  holatlariga  ko‘p  tushgan  bo‘lsangiz  kerak? 

Cherdakni  yig‘ishtirishni  bir  necha  soatga  mo‘ljallagansizu,  lekin  u  bir  kunga 

vaqtingizni olgan paytlarni eslarsiz, ehtimol? Ba’zida aksincha, xovlini tozalashga 

to‘rt  soat  rejalashtirasizu,  lekin  bu  ish  35  daqiqiqa  vaqt  oladi.  Biz  odamlar  baho 

berishda yetarlicha kuchga ega emasmiz.  

Hattoki,  yuqorida  keltirilgan  oddiy  vazifalarning  bajarilishda  ham  bizning 

rejalarimiz bir yoki bir qancha sabablarga ko‘ra tez-tez barbod bo‘ladi. Agar biz bir 

necha  soatlik  rejani  aniq  bajara  olmas  ekanmiz,  unda  olti  oylik  loyihani 

rejalashtirishdan qanday aniqlik kutish mumkin?  

Biz u yoki bu ishni amalga oshirish uchun qancha vaqt talab qilinishini taxmin 

qilganimizda shunchaki adashmaymiz – biz qattiq adashamiz. Bu degani, loyihani 

amalga oshirishni olti oyga kechiktirib, siz qattiq adashishingiz mumkin. Bu yerda 

gap, olti oy o‘rniga yetti oy haqida emas, balki, butun bir yil haqida ketayapti.  

Aynan  shuning  uchun,  Big  Dig  tez  yurar  avtomagistralining  boston  loyihasi 

besh  yil keyin  va  budjetining bir  qancha milliardga oshishi  bilan,  Denver xalqaro 

aeroporti esa, 16 oy kechikib, smetasining 2 milliardga oshishi bilan tugallandi.  

Bo‘lishi  mumkin  bo‘lgan  yechim  –  katta  vazifalarni  bir  necha  kichik 

vazifachalarga  ajratib  olish  kerak.  Ular  qanchalik  kam  bo‘lsa  reja  tuzish  shuncha 

oson  bo‘ladi.  Siz  avvalgidek  xato  qilishingiz  mumkin,  lekin  xato  katta  loyihani 

rejalashtirishdagidan  ko‘ra  kamroq  bo‘ladi.  Agar  ish,  siz  kutganingizdan  ikki 

baravar  ko‘p  vaqt  olsa,  katta  loyihalarda  qo‘shimcha  bir  necha  oy  o‘rniga  kichik 

loyihalarda bir necha hafta haqida gap borgani yaxshiroq bo‘ladi.   

---

O‘z  ishlaringizni  kichik  qismlarga  bo‘lib  olishga  harakat  qiling.  12  haftaga 

mo‘ljallangan  bitta  loyihani  rejalashtirish  o‘rniga,  uni  o‘n  ikkita  bir  haftalik 

loyihalarga  bo‘lib  oling.  30  soatdan  ko‘p  vaqt  talab  qiladigan  vazifalar  ustida 

sehrgarlik  qilmasdan,  ishni  haqqoniyroq  bo‘ladign  6-10  soatlik  qismlarga  bo‘lib 

oling. Va keyin qadam-baqadam oldinga harakat qiling.